| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. ভত্তুদ্দেসকসুত্তং
10. Bhattuddesakasuttaṃ
২০. ‘‘চতূহি, ভিক্খৰে, ধম্মেহি সমন্নাগতো ভত্তুদ্দেসকো যথাভতং নিক্খিত্তো এৰং নিরযে। কতমেহি চতূহি? ছন্দাগতিং গচ্ছতি, দোসাগতিং গচ্ছতি, মোহাগতিং গচ্ছতি, ভযাগতিং গচ্ছতি – ইমেহি খো, ভিক্খৰে, চতূহি ধম্মেহি সমন্নাগতো ভত্তুদ্দেসকো যথাভতং নিক্খিত্তো এৰং নিরযে।
20. ‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ niraye. Katamehi catūhi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ niraye.
‘‘চতূহি, ভিক্খৰে, ধম্মেহি সমন্নাগতো ভত্তুদ্দেসকো যথাভতং নিক্খিত্তো এৰং সগ্গে। কতমেহি চতূহি? ন ছন্দাগতিং গচ্ছতি, ন দোসাগতিং গচ্ছতি, ন মোহাগতিং গচ্ছতি, ন ভযাগতিং গচ্ছতি – ইমেহি খো, ভিক্খৰে, চতূহি ধম্মেহি সমন্নাগতো ভত্তুদ্দেসকো যথাভতং নিক্খিত্তো এৰং সগ্গে’’তি।
‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ sagge. Katamehi catūhi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ sagge’’ti.
‘‘যে কেচি কামেসু অসঞ্ঞতা জনা,
‘‘Ye keci kāmesu asaññatā janā,
অধম্মিকা হোন্তি অধম্মগারৰা।
Adhammikā honti adhammagāravā;
‘‘এৰঞ্হি ৰুত্তং সমণেন জানতা,
‘‘Evañhi vuttaṃ samaṇena jānatā,
তস্মা হি তে সপ্পুরিসা পসংসিযা।
Tasmā hi te sappurisā pasaṃsiyā;
ধম্মে ঠিতা যে ন করোন্তি পাপকং,
Dhamme ṭhitā ye na karonti pāpakaṃ,
‘‘পরিসায মণ্ডো চ পনেস ৰুচ্চতি,
‘‘Parisāya maṇḍo ca panesa vuccati,
এৰঞ্হি ৰুত্তং সমণেন জানতা’’তি॥ দসমং।
Evañhi vuttaṃ samaṇena jānatā’’ti. dasamaṃ;
চরৰগ্গো দুতিযো।
Caravaggo dutiyo.
তস্সুদ্দানং –
Tassuddānaṃ –
চরং সীলং পধানানি, সংৰরং পঞ্ঞত্তি পঞ্চমং।
Caraṃ sīlaṃ padhānāni, saṃvaraṃ paññatti pañcamaṃ;
সোখুম্মং তযো অগতী, ভত্তুদ্দেসেন তে দসাতি॥
Sokhummaṃ tayo agatī, bhattuddesena te dasāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. ভত্তুদ্দেসকসুত্তৰণ্ণনা • 10. Bhattuddesakasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭-১০. পঠমঅগতিসুত্তাদিৰণ্ণনা • 7-10. Paṭhamaagatisuttādivaṇṇanā
