| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
८. भत्तादकसुत्तवण्णना
8. Bhattādakasuttavaṇṇanā
१३८. अट्ठमे भत्तादकोति भत्तक्खादको, बहुभत्तभुञ्जोति अत्थो। ओकासफरणोति ओकासं फरित्वा अञ्ञेसं सम्बाधं कत्वा ठानेन ओकासफरणो। तत्थ तत्थ लण्डं सारेति पातेतीति लण्डसारणो। एत्तका हत्थीति गणनकाले सलाकं गण्हातीति सलाकग्गाही। निसीदनसयनवसेन मञ्चपीठं मद्दतीति मञ्चपीठमद्दनो। भिक्खुगणनकाले सलाकं गण्हातीति सलाकग्गाही।
138. Aṭṭhame bhattādakoti bhattakkhādako, bahubhattabhuñjoti attho. Okāsapharaṇoti okāsaṃ pharitvā aññesaṃ sambādhaṃ katvā ṭhānena okāsapharaṇo. Tattha tattha laṇḍaṃ sāreti pātetīti laṇḍasāraṇo. Ettakā hatthīti gaṇanakāle salākaṃ gaṇhātīti salākaggāhī. Nisīdanasayanavasena mañcapīṭhaṃ maddatīti mañcapīṭhamaddano. Bhikkhugaṇanakāle salākaṃ gaṇhātīti salākaggāhī.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. भत्तादकसुत्तं • 8. Bhattādakasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५-९. पत्थनासुत्तादिवण्णना • 5-9. Patthanāsuttādivaṇṇanā
