| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. བྷཏྟཱདཀསུཏྟཾ
8. Bhattādakasuttaṃ
༡༣༨. ‘‘པཉྩཧི, བྷིཀྑཝེ, ཨངྒེཧི སམནྣཱགཏོ རཉྙོ ནཱགོ བྷཏྟཱདཀོ ཙ ཧོཏི ཨོཀཱསཕརཎོ ཙ ལཎྜསཱརཎོ ཙ སལཱཀགྒཱཧཱི ཙ རཉྙོ ནཱགོཏྭེཝ སངྑཾ གཙྪཏི། ཀཏམེཧི པཉྩཧི? ཨིདྷ, བྷིཀྑཝེ, རཉྙོ ནཱགོ ཨཀྑམོ ཧོཏི རཱུཔཱནཾ, ཨཀྑམོ སདྡཱནཾ, ཨཀྑམོ གནྡྷཱནཾ, ཨཀྑམོ རསཱནཾ, ཨཀྑམོ ཕོཊྛབྦཱནཾ། ཨིམེཧི ཁོ, བྷིཀྑཝེ, པཉྩཧི ཨངྒེཧི སམནྣཱགཏོ རཉྙོ ནཱགོ བྷཏྟཱདཀོ ཙ ཨོཀཱསཕརཎོ ཙ ལཎྜསཱརཎོ ཙ སལཱཀགྒཱཧཱི ཙ, རཉྙོ ནཱགོཏྭེཝ སངྑཾ གཙྪཏི།
138. ‘‘Pañcahi, bhikkhave, aṅgehi samannāgato rañño nāgo bhattādako ca hoti okāsapharaṇo ca laṇḍasāraṇo ca salākaggāhī ca rañño nāgotveva saṅkhaṃ gacchati. Katamehi pañcahi? Idha, bhikkhave, rañño nāgo akkhamo hoti rūpānaṃ, akkhamo saddānaṃ, akkhamo gandhānaṃ, akkhamo rasānaṃ, akkhamo phoṭṭhabbānaṃ. Imehi kho, bhikkhave, pañcahi aṅgehi samannāgato rañño nāgo bhattādako ca okāsapharaṇo ca laṇḍasāraṇo ca salākaggāhī ca, rañño nāgotveva saṅkhaṃ gacchati.
‘‘ཨེཝམེཝཾ ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ བྷཏྟཱདཀོ ཙ ཧོཏི, ཨོཀཱསཕརཎོ ཙ མཉྩཔཱིཋམདྡནོ 1 ཙ སལཱཀགྒཱཧཱི ཙ, བྷིཀྑུཏྭེཝ སངྑཾ གཙྪཏི། ཀཏམེཧི པཉྩཧི? ཨིདྷ , བྷིཀྑཝེ, བྷིཀྑུ ཨཀྑམོ ཧོཏི རཱུཔཱནཾ, ཨཀྑམོ སདྡཱནཾ, ཨཀྑམོ གནྡྷཱནཾ, ཨཀྑམོ རསཱནཾ, ཨཀྑམོ ཕོཊྛབྦཱནཾ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ བྷཏྟཱདཀོ ཙ ཧོཏི ཨོཀཱསཕརཎོ ཙ མཉྩཔཱིཋམདྡནོ ཙ སལཱཀགྒཱཧཱི ཙ, བྷིཀྑུཏྭེཝ སངྑཾ གཙྪཏཱི’’ཏི། ཨཊྛམཾ།
‘‘Evamevaṃ kho, bhikkhave, pañcahi dhammehi samannāgato bhikkhu bhattādako ca hoti, okāsapharaṇo ca mañcapīṭhamaddano 2 ca salākaggāhī ca, bhikkhutveva saṅkhaṃ gacchati. Katamehi pañcahi? Idha , bhikkhave, bhikkhu akkhamo hoti rūpānaṃ, akkhamo saddānaṃ, akkhamo gandhānaṃ, akkhamo rasānaṃ, akkhamo phoṭṭhabbānaṃ. Imehi kho, bhikkhave, pañcahi dhammehi samannāgato bhikkhu bhattādako ca hoti okāsapharaṇo ca mañcapīṭhamaddano ca salākaggāhī ca, bhikkhutveva saṅkhaṃ gacchatī’’ti. Aṭṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. བྷཏྟཱདཀསུཏྟཝཎྞནཱ • 8. Bhattādakasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༩. པཏྠནཱསུཏྟཱདིཝཎྞནཱ • 5-9. Patthanāsuttādivaṇṇanā
