| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
5. убааливаг̇г̇о
5. Upālivaggo
1. бхааг̇инзяяубаалид̇т̇зраабад̣̇аанам̣
1. Bhāgineyyupālittheraapadānaṃ
1.
1.
вивзгамануяуд̇д̇о со, г̇ажчад̇з бадисаллид̇ум̣.
Vivekamanuyutto so, gacchate paṭisallituṃ.
2.
2.
‘‘аж̇инзна нивад̇т̇охам̣, д̇ид̣̇ан̣д̣абарид̇хаараго;
‘‘Ajinena nivatthohaṃ, tidaṇḍaparidhārako;
бхигкусан̇гхабариб̣яуул̣хам̣, ад̣̇д̣̇асам̣ логанааяагам̣.
Bhikkhusaṅghaparibyūḷhaṃ, addasaṃ lokanāyakaṃ.
3.
3.
‘‘згам̣сам̣ аж̇инам̣ гад̇ваа, сирз гад̇ваана ан̃ж̇алим̣;
‘‘Ekaṃsaṃ ajinaṃ katvā, sire katvāna añjaliṃ;
самб̣уд̣̇д̇хам̣ абхиваад̣̇зд̇ваа, сант̇авим̣ логанааяагам̣.
Sambuddhaṃ abhivādetvā, santhaviṃ lokanāyakaṃ.
4.
4.
‘‘яат̇аан̣д̣аж̇аа жа сам̣сзд̣̇аа, обабаад̇ий ж̇алааб̣уж̇аа;
‘‘Yathāṇḍajā ca saṃsedā, opapātī jalābujā;
гаагаад̣̇ибагкино саб̣б̣з, анд̇алигкажараа сад̣̇аа.
Kākādipakkhino sabbe, antalikkhacarā sadā.
5.
5.
‘‘яз гзжи баан̣абхууд̇ад̇т̇и, сан̃н̃ино ваа асан̃н̃ино;
‘‘Ye keci pāṇabhūtatthi, saññino vā asaññino;
саб̣б̣з д̇з д̇ава н̃аан̣амхи, анд̇о хонд̇и самог̇ад̇хаа.
Sabbe te tava ñāṇamhi, anto honti samogadhā.
6.
6.
‘‘г̇анд̇хаа жа баб̣б̣ад̇зяяаа яз, химаванд̇анаг̇уд̇д̇амз;
‘‘Gandhā ca pabbateyyā ye, himavantanaguttame;
саб̣б̣з д̇з д̇ава сийламхи, галааяаби на яуж̇ж̇арз.
Sabbe te tava sīlamhi, kalāyapi na yujjare.
7.
7.
‘‘моханд̇хагаарабагканд̣̇о, аяам̣ лого сад̣̇зваго;
‘‘Mohandhakārapakkhando, ayaṃ loko sadevako;
д̇ава н̃аан̣амхи ж̇од̇анд̇з, анд̇хагаараа вид̇хам̣сид̇аа.
Tava ñāṇamhi jotante, andhakārā vidhaṃsitā.
8.
8.
‘‘яат̇аа ад̇т̇ан̇г̇ад̇з суурияз, хонд̇и сад̇д̇аа д̇амог̇ад̇аа;
‘‘Yathā atthaṅgate sūriye, honti sattā tamogatā;
звам̣ б̣уд̣̇д̇хз ануббаннз, ход̇и лого д̇амог̇ад̇о.
Evaṃ buddhe anuppanne, hoti loko tamogato.
9.
9.
‘‘яат̇од̣̇аяанд̇о аад̣̇ижжо, винод̣̇зд̇и д̇амам̣ сад̣̇аа;
‘‘Yathodayanto ādicco, vinodeti tamaṃ sadā;
д̇ат̇зва д̇вам̣ б̣уд̣̇д̇хасздта, вид̣̇д̇хам̣сзси д̇амам̣ сад̣̇аа.
Tatheva tvaṃ buddhaseṭṭha, viddhaṃsesi tamaṃ sadā.
10.
10.
‘‘бад̇хаанабахид̇ад̇д̇оси , б̣уд̣̇д̇хо логз сад̣̇звагз;
‘‘Padhānapahitattosi , buddho loke sadevake;
д̇ава гаммаабхирад̣̇д̇хзна, д̇осзси ж̇анад̇ам̣ б̣ахум̣.
Tava kammābhiraddhena, tosesi janataṃ bahuṃ.
11.
11.
‘‘д̇ам̣ саб̣б̣ам̣ анумод̣̇ид̇ваа, бад̣̇умуд̇д̇аро махаамуни;
‘‘Taṃ sabbaṃ anumoditvā, padumuttaro mahāmuni;
набхам̣ аб̣бхуг̇г̇амий д̇хийро, хам̣сарааж̇аава амб̣арз.
Nabhaṃ abbhuggamī dhīro, haṃsarājāva ambare.
12.
12.
‘‘аб̣бхуг̇г̇анд̇ваана самб̣уд̣̇д̇хо, махзси бад̣̇умуд̇д̇аро;
‘‘Abbhuggantvāna sambuddho, mahesi padumuttaro;
анд̇алигкз тид̇о сад̇т̇аа, имаа г̇аат̇аа абхаасат̇а.
Antalikkhe ṭhito satthā, imā gāthā abhāsatha.
13.
13.
‘‘язнид̣̇ам̣ т̇авид̇ам̣ н̃аан̣ам̣, обаммзхи самааяуд̇ам̣;
‘‘Yenidaṃ thavitaṃ ñāṇaṃ, opammehi samāyutaṃ;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
14.
14.
‘‘‘адтаарасан̃жа кад̇д̇ум̣ со, д̣̇зварааж̇аа бхависсад̇и;
‘‘‘Aṭṭhārasañca khattuṃ so, devarājā bhavissati;
бат̇аб̣яаа раж̇ж̇ам̣ д̇исад̇ам̣, васуд̇хам̣ аавасиссад̇и.
Pathabyā rajjaṃ tisataṃ, vasudhaṃ āvasissati.
15.
15.
‘‘‘бан̃жавийсад̇игкад̇д̇ун̃жа, жаггавад̇д̇ий бхависсад̇и;
‘‘‘Pañcavīsatikkhattuñca, cakkavattī bhavissati;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
16.
16.
‘‘‘габбасад̇асахассамхи, оггаагагуласамбхаво;
‘‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
17.
17.
‘‘‘д̇усид̇аа хи жавид̇ваана, суггамуулзна жод̣̇ид̇о;
‘‘‘Tusitā hi cavitvāna, sukkamūlena codito;
хийнова ж̇аад̇ияаа санд̇о, убаали наама хзссад̇и.
Hīnova jātiyā santo, upāli nāma hessati.
18.
18.
‘‘‘со бажчаа баб̣б̣аж̇ид̇ваана, вирааж̇зд̇ваана баабагам̣;
‘‘‘So pacchā pabbajitvāna, virājetvāna pāpakaṃ;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
19.
19.
‘‘‘д̇удто жа г̇од̇амо б̣уд̣̇д̇хо, сагяабуд̇д̇о махааяасо;
‘‘‘Tuṭṭho ca gotamo buddho, sakyaputto mahāyaso;
винаяаад̇хиг̇ад̇ам̣ д̇асса, зд̇ад̣̇аг̇г̇з табзссад̇и’.
Vinayādhigataṃ tassa, etadagge ṭhapessati’.
20.
20.
‘‘сад̣̇д̇хааяаахам̣ баб̣б̣аж̇ид̇о, гад̇агижжо анаасаво;
‘‘Saddhāyāhaṃ pabbajito, katakicco anāsavo;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
21.
21.
‘‘бхаг̇аваа жаанугамбий мам̣, винаязхам̣ висаарад̣̇о;
‘‘Bhagavā cānukampī maṃ, vinayehaṃ visārado;
сагагаммаабхирад̣̇д̇хо жа, вихараами анаасаво.
Sakakammābhiraddho ca, viharāmi anāsavo.
22.
22.
‘‘сам̣вуд̇о баад̇имогкамхи, инд̣̇риязсу жа бан̃жасу;
‘‘Saṃvuto pātimokkhamhi, indriyesu ca pañcasu;
д̇хаарзми винаяам̣ саб̣б̣ам̣, гзвалам̣ рад̇анаагарам̣ 3.
Dhāremi vinayaṃ sabbaṃ, kevalaṃ ratanākaraṃ 4.
23.
23.
‘‘маман̃жа г̇ун̣аман̃н̃ааяа, сад̇т̇аа логз ануд̇д̇аро;
‘‘Mamañca guṇamaññāya, satthā loke anuttaro;
бхигкусан̇гхз нисийд̣̇ид̇ваа, зд̇ад̣̇аг̇г̇з табзси мам̣.
Bhikkhusaṅghe nisīditvā, etadagge ṭhapesi maṃ.
24.
24.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа убаалит̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā upālithero imā gāthāyo abhāsitthāti.
бхааг̇инзяяубаалид̇т̇зрассаабад̣̇аанам̣ батамам̣.
Bhāgineyyupālittherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. бхааг̇инзяяубаалид̇т̇зраабад̣̇аанаван̣н̣анаа • 1. Bhāgineyyupālittheraapadānavaṇṇanā
