| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၅. ဘဂဝတော ဥပသမ္ပဒာပဉ္ဟော
5. Bhagavato upasampadāpañho
၅. ရာဇာ အာဟ ‘‘ဘန္တေ နာဂသေန, ဥပသမ္ပဒာ သုန္ဒရာ’’တိ? ‘‘အာမ, မဟာရာဇ, ဥပသမ္ပဒာ သုန္ဒရာ’’တိ။ ‘‘အတ္ထိ ပန, ဘန္တေ, ဗုဒ္ဓသ္သ ဥပသမ္ပဒာ, ဥဒာဟု နတ္ထီ’’တိ? ‘‘ဥပသမ္ပန္နော ခော, မဟာရာဇ , ဘဂဝာ ဗောဓိရုက္ခမူလေ သဟ သဗ္ဗညုတဉာဏေန, နတ္ထိ ဘဂဝတော ဥပသမ္ပဒာ အညေဟိ ဒိန္နာ, ယထာ သာဝကာနံ, မဟာရာဇ, ဘဂဝာ သိက္ခာပဒံ ပညပေတိ ယာဝဇီဝံ အနတိက္ကမနီယ’’န္တိ။
5. Rājā āha ‘‘bhante nāgasena, upasampadā sundarā’’ti? ‘‘Āma, mahārāja, upasampadā sundarā’’ti. ‘‘Atthi pana, bhante, buddhassa upasampadā, udāhu natthī’’ti? ‘‘Upasampanno kho, mahārāja , bhagavā bodhirukkhamūle saha sabbaññutañāṇena, natthi bhagavato upasampadā aññehi dinnā, yathā sāvakānaṃ, mahārāja, bhagavā sikkhāpadaṃ paññapeti yāvajīvaṃ anatikkamanīya’’nti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
ဘဂဝတော ဥပသမ္ပဒာပဉ္ဟော ပဉ္စမော။
Bhagavato upasampadāpañho pañcamo.
