| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
៥. ភគវតោ ឧបសម្បទាបញ្ហោ
5. Bhagavato upasampadāpañho
៥. រាជា អាហ ‘‘ភន្តេ នាគសេន, ឧបសម្បទា សុន្ទរា’’តិ? ‘‘អាម, មហារាជ, ឧបសម្បទា សុន្ទរា’’តិ។ ‘‘អត្ថិ បន, ភន្តេ, ពុទ្ធស្ស ឧបសម្បទា, ឧទាហុ នត្ថី’’តិ? ‘‘ឧបសម្បន្នោ ខោ, មហារាជ , ភគវា ពោធិរុក្ខមូលេ សហ សព្ពញ្ញុតញាណេន, នត្ថិ ភគវតោ ឧបសម្បទា អញ្ញេហិ ទិន្នា, យថា សាវកានំ, មហារាជ, ភគវា សិក្ខាបទំ បញ្ញបេតិ យាវជីវំ អនតិក្កមនីយ’’ន្តិ។
5. Rājā āha ‘‘bhante nāgasena, upasampadā sundarā’’ti? ‘‘Āma, mahārāja, upasampadā sundarā’’ti. ‘‘Atthi pana, bhante, buddhassa upasampadā, udāhu natthī’’ti? ‘‘Upasampanno kho, mahārāja , bhagavā bodhirukkhamūle saha sabbaññutañāṇena, natthi bhagavato upasampadā aññehi dinnā, yathā sāvakānaṃ, mahārāja, bhagavā sikkhāpadaṃ paññapeti yāvajīvaṃ anatikkamanīya’’nti.
‘‘កល្លោសិ, ភន្តេ នាគសេនា’’តិ។
‘‘Kallosi, bhante nāgasenā’’ti.
ភគវតោ ឧបសម្បទាបញ្ហោ បញ្ចមោ។
Bhagavato upasampadāpañho pañcamo.
