| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૫. ભગવતો ઉપસમ્પદાપઞ્હો
5. Bhagavato upasampadāpañho
૫. રાજા આહ ‘‘ભન્તે નાગસેન, ઉપસમ્પદા સુન્દરા’’તિ? ‘‘આમ, મહારાજ, ઉપસમ્પદા સુન્દરા’’તિ. ‘‘અત્થિ પન, ભન્તે, બુદ્ધસ્સ ઉપસમ્પદા, ઉદાહુ નત્થી’’તિ? ‘‘ઉપસમ્પન્નો ખો, મહારાજ , ભગવા બોધિરુક્ખમૂલે સહ સબ્બઞ્ઞુતઞાણેન, નત્થિ ભગવતો ઉપસમ્પદા અઞ્ઞેહિ દિન્ના, યથા સાવકાનં, મહારાજ, ભગવા સિક્ખાપદં પઞ્ઞપેતિ યાવજીવં અનતિક્કમનીય’’ન્તિ.
5. Rājā āha ‘‘bhante nāgasena, upasampadā sundarā’’ti? ‘‘Āma, mahārāja, upasampadā sundarā’’ti. ‘‘Atthi pana, bhante, buddhassa upasampadā, udāhu natthī’’ti? ‘‘Upasampanno kho, mahārāja , bhagavā bodhirukkhamūle saha sabbaññutañāṇena, natthi bhagavato upasampadā aññehi dinnā, yathā sāvakānaṃ, mahārāja, bhagavā sikkhāpadaṃ paññapeti yāvajīvaṃ anatikkamanīya’’nti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
ભગવતો ઉપસમ્પદાપઞ્હો પઞ્ચમો.
Bhagavato upasampadāpañho pañcamo.
