| Library / Tipiṭaka / तिपिटक • Tipiṭaka / मिलिन्दपञ्हपाळि • Milindapañhapāḷi |
५. भगवतो उपसम्पदापञ्हो
5. Bhagavato upasampadāpañho
५. राजा आह ‘‘भन्ते नागसेन, उपसम्पदा सुन्दरा’’ति? ‘‘आम, महाराज, उपसम्पदा सुन्दरा’’ति। ‘‘अत्थि पन, भन्ते, बुद्धस्स उपसम्पदा, उदाहु नत्थी’’ति? ‘‘उपसम्पन्नो खो, महाराज , भगवा बोधिरुक्खमूले सह सब्बञ्ञुतञाणेन, नत्थि भगवतो उपसम्पदा अञ्ञेहि दिन्ना, यथा सावकानं, महाराज, भगवा सिक्खापदं पञ्ञपेति यावजीवं अनतिक्कमनीय’’न्ति।
5. Rājā āha ‘‘bhante nāgasena, upasampadā sundarā’’ti? ‘‘Āma, mahārāja, upasampadā sundarā’’ti. ‘‘Atthi pana, bhante, buddhassa upasampadā, udāhu natthī’’ti? ‘‘Upasampanno kho, mahārāja , bhagavā bodhirukkhamūle saha sabbaññutañāṇena, natthi bhagavato upasampadā aññehi dinnā, yathā sāvakānaṃ, mahārāja, bhagavā sikkhāpadaṃ paññapeti yāvajīvaṃ anatikkamanīya’’nti.
‘‘कल्लोसि, भन्ते नागसेना’’ति।
‘‘Kallosi, bhante nāgasenā’’ti.
भगवतो उपसम्पदापञ्हो पञ्चमो।
Bhagavato upasampadāpañho pañcamo.
