| Library / Tipiṭaka / തിപിടക • Tipiṭaka / ചൂളനിദ്ദേസപാളി • Cūḷaniddesapāḷi |
൧൨. ഭദ്രാവുധമാണവപുച്ഛാ
12. Bhadrāvudhamāṇavapucchā
൧൨൬.
126.
‘‘ഓകഞ്ജഹം തണ്ഹച്ഛിദം അനേജം, [ഇച്ചായസ്മാ ഭദ്രാവുധോ]
‘‘Okañjahaṃ taṇhacchidaṃ anejaṃ, [iccāyasmā bhadrāvudho]
നന്ദിഞ്ജഹം ഓഘതിണ്ണം വിമുത്തം;
Nandiñjahaṃ oghatiṇṇaṃ vimuttaṃ;
കപ്പഞ്ജഹം അഭിയാചേ സുമേധം, സുത്വാന നാഗസ്സ അപനമിസ്സന്തി ഇതോ.
Kappañjahaṃ abhiyāce sumedhaṃ, sutvāna nāgassa apanamissanti ito.
൧൨൭.
127.
‘‘നാനാജനാ ജനപദേഹി സങ്ഗതാ,
‘‘Nānājanā janapadehi saṅgatā,
തവ വീര വാക്യം അഭികങ്ഖമാനാ;
Tava vīra vākyaṃ abhikaṅkhamānā;
തേസം തുവം സാധു വിയാകരോഹി, തഥാ ഹി തേ വിദിതോ ഏസ ധമ്മോ’’.
Tesaṃ tuvaṃ sādhu viyākarohi, tathā hi te vidito esa dhammo’’.
൧൨൮.
128.
‘‘ആദാനതണ്ഹം വിനയേഥ സബ്ബം, [ഭദ്രാവുധാതി ഭഗവാ]
‘‘Ādānataṇhaṃ vinayetha sabbaṃ, [bhadrāvudhāti bhagavā]
ഉദ്ധം അധോ തിരിയഞ്ചാപി മജ്ഝേ;
Uddhaṃ adho tiriyañcāpi majjhe;
യം യഞ്ഹി ലോകസ്മിമുപാദിയന്തി, തേനേവ മാരോ അന്വേതി ജന്തും.
Yaṃ yañhi lokasmimupādiyanti, teneva māro anveti jantuṃ.
൧൨൯.
129.
‘‘തസ്മാ പജാനം ന ഉപാദിയേഥ, ഭിക്ഖു സതോ കിഞ്ചനം സബ്ബലോകേ;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
ആദാനസത്തേ ഇതി പേക്ഖമാനോ, പജം ഇമം മച്ചുധേയ്യേ വിസത്ത’’ന്തി.
Ādānasatte iti pekkhamāno, pajaṃ imaṃ maccudheyye visatta’’nti.
ഭദ്രാവുധമാണവപുച്ഛാ ദ്വാദസമാ.
Bhadrāvudhamāṇavapucchā dvādasamā.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ചൂളനിദ്ദേസ-അട്ഠകഥാ • Cūḷaniddesa-aṭṭhakathā / ൧൨. ഭദ്രാവുധമാണവസുത്തനിദ്ദേസവണ്ണനാ • 12. Bhadrāvudhamāṇavasuttaniddesavaṇṇanā
