| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੧੨. ਭਦ੍ਰਾવੁਧਮਾਣવਪੁਚ੍ਛਾ
12. Bhadrāvudhamāṇavapucchā
੧੧੦੭.
1107.
‘‘ਓਕਞ੍ਜਹਂ ਤਣ੍ਹਚ੍ਛਿਦਂ ਅਨੇਜਂ, (ਇਚ੍ਚਾਯਸ੍ਮਾ ਭਦ੍ਰਾવੁਧੋ)
‘‘Okañjahaṃ taṇhacchidaṃ anejaṃ, (iccāyasmā bhadrāvudho)
ਨਨ੍ਦਿਞ੍ਜਹਂ ਓਘਤਿਣ੍ਣਂ વਿਮੁਤ੍ਤਂ।
Nandiñjahaṃ oghatiṇṇaṃ vimuttaṃ;
ਕਪ੍ਪਞ੍ਜਹਂ ਅਭਿਯਾਚੇ ਸੁਮੇਧਂ, ਸੁਤ੍વਾਨ ਨਾਗਸ੍ਸ ਅਪਨਮਿਸ੍ਸਨ੍ਤਿ ਇਤੋ॥
Kappañjahaṃ abhiyāce sumedhaṃ, sutvāna nāgassa apanamissanti ito.
੧੧੦੮.
1108.
‘‘ਨਾਨਾਜਨਾ ਜਨਪਦੇਹਿ ਸਙ੍ਗਤਾ, ਤવ વੀਰ વਾਕ੍ਯਂ ਅਭਿਕਙ੍ਖਮਾਨਾ।
‘‘Nānājanā janapadehi saṅgatā, tava vīra vākyaṃ abhikaṅkhamānā;
ਤੇਸਂ ਤੁવਂ ਸਾਧੁ વਿਯਾਕਰੋਹਿ, ਤਥਾ ਹਿ ਤੇ વਿਦਿਤੋ ਏਸ ਧਮ੍ਮੋ’’॥
Tesaṃ tuvaṃ sādhu viyākarohi, tathā hi te vidito esa dhammo’’.
੧੧੦੯.
1109.
‘‘ਆਦਾਨਤਣ੍ਹਂ વਿਨਯੇਥ ਸਬ੍ਬਂ, (ਭਦ੍ਰਾવੁਧਾਤਿ ਭਗવਾ)
‘‘Ādānataṇhaṃ vinayetha sabbaṃ, (bhadrāvudhāti bhagavā)
ਉਦ੍ਧਂ ਅਧੋ ਤਿਰਿਯਞ੍ਚਾਪਿ ਮਜ੍ਝੇ।
Uddhaṃ adho tiriyañcāpi majjhe;
ਯਂ ਯਞ੍ਹਿ ਲੋਕਸ੍ਮਿਮੁਪਾਦਿਯਨ੍ਤਿ, ਤੇਨੇવ ਮਾਰੋ ਅਨ੍વੇਤਿ ਜਨ੍ਤੁਂ॥
Yaṃ yañhi lokasmimupādiyanti, teneva māro anveti jantuṃ.
੧੧੧੦.
1110.
‘‘ਤਸ੍ਮਾ ਪਜਾਨਂ ਨ ਉਪਾਦਿਯੇਥ, ਭਿਕ੍ਖੁ ਸਤੋ ਕਿਞ੍ਚਨਂ ਸਬ੍ਬਲੋਕੇ।
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
ਆਦਾਨਸਤ੍ਤੇ ਇਤਿ ਪੇਕ੍ਖਮਾਨੋ, ਪਜਂ ਇਮਂ ਮਚ੍ਚੁਧੇਯ੍ਯੇ વਿਸਤ੍ਤ’’ਨ੍ਤਿ॥
Ādānasatte iti pekkhamāno, pajaṃ imaṃ maccudheyye visatta’’nti.
ਭਦ੍ਰਾવੁਧਮਾਣવਪੁਚ੍ਛਾ ਦ੍વਾਦਸਮਾ ਨਿਟ੍ਠਿਤਾ।
Bhadrāvudhamāṇavapucchā dvādasamā niṭṭhitā.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੧੨. ਭਦ੍ਰਾવੁਧਸੁਤ੍ਤવਣ੍ਣਨਾ • 12. Bhadrāvudhasuttavaṇṇanā
