| Library / Tipiṭaka / ติปิฎก • Tipiṭaka / จูฬนิเทฺทสปาฬิ • Cūḷaniddesapāḷi |
๑๒. ภทฺราวุธมาณวปุจฺฉา
12. Bhadrāvudhamāṇavapucchā
๑๒๖.
126.
‘‘โอกญฺชหํ ตณฺหจฺฉิทํ อเนชํ, [อิจฺจายสฺมา ภทฺราวุโธ]
‘‘Okañjahaṃ taṇhacchidaṃ anejaṃ, [iccāyasmā bhadrāvudho]
นนฺทิญฺชหํ โอฆติณฺณํ วิมุตฺตํ;
Nandiñjahaṃ oghatiṇṇaṃ vimuttaṃ;
กปฺปญฺชหํ อภิยาเจ สุเมธํ, สุตฺวาน นาคสฺส อปนมิสฺสนฺติ อิโตฯ
Kappañjahaṃ abhiyāce sumedhaṃ, sutvāna nāgassa apanamissanti ito.
๑๒๗.
127.
‘‘นานาชนา ชนปเทหิ สงฺคตา,
‘‘Nānājanā janapadehi saṅgatā,
ตว วีร วากฺยํ อภิกงฺขมานา;
Tava vīra vākyaṃ abhikaṅkhamānā;
เตสํ ตุวํ สาธุ วิยากโรหิ, ตถา หิ เต วิทิโต เอส ธโมฺม’’ฯ
Tesaṃ tuvaṃ sādhu viyākarohi, tathā hi te vidito esa dhammo’’.
๑๒๘.
128.
‘‘อาทานตณฺหํ วินเยถ สพฺพํ, [ภทฺราวุธาติ ภควา]
‘‘Ādānataṇhaṃ vinayetha sabbaṃ, [bhadrāvudhāti bhagavā]
อุทฺธํ อโธ ติริยญฺจาปิ มเชฺฌ;
Uddhaṃ adho tiriyañcāpi majjhe;
ยํ ยญฺหิ โลกสฺมิมุปาทิยนฺติ, เตเนว มาโร อเนฺวติ ชนฺตุํฯ
Yaṃ yañhi lokasmimupādiyanti, teneva māro anveti jantuṃ.
๑๒๙.
129.
‘‘ตสฺมา ปชานํ น อุปาทิเยถ, ภิกฺขุ สโต กิญฺจนํ สพฺพโลเก;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
อาทานสเตฺต อิติ เปกฺขมาโน, ปชํ อิมํ มจฺจุเธเยฺย วิสตฺต’’นฺติฯ
Ādānasatte iti pekkhamāno, pajaṃ imaṃ maccudheyye visatta’’nti.
ภทฺราวุธมาณวปุจฺฉา ทฺวาทสมาฯ
Bhadrāvudhamāṇavapucchā dvādasamā.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จูฬนิเทฺทส-อฎฺฐกถา • Cūḷaniddesa-aṭṭhakathā / ๑๒. ภทฺราวุธมาณวสุตฺตนิเทฺทสวณฺณนา • 12. Bhadrāvudhamāṇavasuttaniddesavaṇṇanā
