| Library / Tipiṭaka / તિપિટક • Tipiṭaka / સુત્તનિપાતપાળિ • Suttanipātapāḷi |
૧૨. ભદ્રાવુધમાણવપુચ્છા
12. Bhadrāvudhamāṇavapucchā
૧૧૦૭.
1107.
‘‘ઓકઞ્જહં તણ્હચ્છિદં અનેજં, (ઇચ્ચાયસ્મા ભદ્રાવુધો)
‘‘Okañjahaṃ taṇhacchidaṃ anejaṃ, (iccāyasmā bhadrāvudho)
નન્દિઞ્જહં ઓઘતિણ્ણં વિમુત્તં;
Nandiñjahaṃ oghatiṇṇaṃ vimuttaṃ;
કપ્પઞ્જહં અભિયાચે સુમેધં, સુત્વાન નાગસ્સ અપનમિસ્સન્તિ ઇતો.
Kappañjahaṃ abhiyāce sumedhaṃ, sutvāna nāgassa apanamissanti ito.
૧૧૦૮.
1108.
‘‘નાનાજના જનપદેહિ સઙ્ગતા, તવ વીર વાક્યં અભિકઙ્ખમાના;
‘‘Nānājanā janapadehi saṅgatā, tava vīra vākyaṃ abhikaṅkhamānā;
તેસં તુવં સાધુ વિયાકરોહિ, તથા હિ તે વિદિતો એસ ધમ્મો’’.
Tesaṃ tuvaṃ sādhu viyākarohi, tathā hi te vidito esa dhammo’’.
૧૧૦૯.
1109.
‘‘આદાનતણ્હં વિનયેથ સબ્બં, (ભદ્રાવુધાતિ ભગવા)
‘‘Ādānataṇhaṃ vinayetha sabbaṃ, (bhadrāvudhāti bhagavā)
ઉદ્ધં અધો તિરિયઞ્ચાપિ મજ્ઝે;
Uddhaṃ adho tiriyañcāpi majjhe;
યં યઞ્હિ લોકસ્મિમુપાદિયન્તિ, તેનેવ મારો અન્વેતિ જન્તું.
Yaṃ yañhi lokasmimupādiyanti, teneva māro anveti jantuṃ.
૧૧૧૦.
1110.
‘‘તસ્મા પજાનં ન ઉપાદિયેથ, ભિક્ખુ સતો કિઞ્ચનં સબ્બલોકે;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
આદાનસત્તે ઇતિ પેક્ખમાનો, પજં ઇમં મચ્ચુધેય્યે વિસત્ત’’ન્તિ.
Ādānasatte iti pekkhamāno, pajaṃ imaṃ maccudheyye visatta’’nti.
ભદ્રાવુધમાણવપુચ્છા દ્વાદસમા નિટ્ઠિતા.
Bhadrāvudhamāṇavapucchā dvādasamā niṭṭhitā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / સુત્તનિપાત-અટ્ઠકથા • Suttanipāta-aṭṭhakathā / ૧૨. ભદ્રાવુધસુત્તવણ્ણના • 12. Bhadrāvudhasuttavaṇṇanā
