| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
12. бхад̣̇раавуд̇хамаан̣авабужчаа
12. Bhadrāvudhamāṇavapucchā
1107.
1107.
‘‘оган̃ж̇ахам̣ д̇ан̣хажчид̣̇ам̣ анзж̇ам̣, (ижжааяасмаа бхад̣̇раавуд̇хо)
‘‘Okañjahaṃ taṇhacchidaṃ anejaṃ, (iccāyasmā bhadrāvudho)
нанд̣̇ин̃ж̇ахам̣ огхад̇ин̣н̣ам̣ вимуд̇д̇ам̣;
Nandiñjahaṃ oghatiṇṇaṃ vimuttaṃ;
габбан̃ж̇ахам̣ абхияаажз сумзд̇хам̣, суд̇ваана нааг̇асса абанамиссанд̇и ид̇о.
Kappañjahaṃ abhiyāce sumedhaṃ, sutvāna nāgassa apanamissanti ito.
1108.
1108.
‘‘наанааж̇анаа ж̇анабад̣̇зхи сан̇г̇ад̇аа, д̇ава вийра ваагяам̣ абхиган̇камаанаа;
‘‘Nānājanā janapadehi saṅgatā, tava vīra vākyaṃ abhikaṅkhamānā;
д̇зсам̣ д̇увам̣ саад̇ху вияаагарохи, д̇ат̇аа хи д̇з вид̣̇ид̇о зса д̇хаммо’’.
Tesaṃ tuvaṃ sādhu viyākarohi, tathā hi te vidito esa dhammo’’.
1109.
1109.
‘‘аад̣̇аанад̇ан̣хам̣ винаязт̇а саб̣б̣ам̣, (бхад̣̇раавуд̇хаад̇и бхаг̇аваа)
‘‘Ādānataṇhaṃ vinayetha sabbaṃ, (bhadrāvudhāti bhagavā)
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
яам̣ яан̃хи логасмимубаад̣̇ияанд̇и, д̇знзва мааро анвзд̇и ж̇анд̇ум̣.
Yaṃ yañhi lokasmimupādiyanti, teneva māro anveti jantuṃ.
1110.
1110.
‘‘д̇асмаа баж̇аанам̣ на убаад̣̇иязт̇а, бхигку сад̇о гин̃жанам̣ саб̣б̣алогз;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
аад̣̇аанасад̇д̇з ид̇и бзгкамаано, баж̇ам̣ имам̣ мажжуд̇хзяяз висад̇д̇а’’нд̇и.
Ādānasatte iti pekkhamāno, pajaṃ imaṃ maccudheyye visatta’’nti.
бхад̣̇раавуд̇хамаан̣авабужчаа д̣̇ваад̣̇асамаа нидтид̇аа.
Bhadrāvudhamāṇavapucchā dvādasamā niṭṭhitā.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 12. бхад̣̇раавуд̇хасуд̇д̇аван̣н̣анаа • 12. Bhadrāvudhasuttavaṇṇanā
