| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
११. भद्रकसुत्तवण्णना
11. Bhadrakasuttavaṇṇanā
३६३. एवंनामकेति मल्ला नाम जानपदिनो राजकुमारा, नेसं निवासताय ‘‘मल्ला’’इच्चेव बहुवचनवसेन लद्धनामत्ता एवंनामके जनपदे। नत्थि एतस्स पत्तिया कालन्तरसञ्ञितो कालोति अकालो, सो एव अकालिको। तेनाह – ‘‘कालं अनतिक्कमित्वा पत्तेना’’ति। सो पन ‘‘यंकिञ्चि दुक्खं उप्पज्जमानं उप्पज्जति, सब्बं तं छन्दमूलक’’न्ति एवं वुत्तो दुक्खस्स छन्दमूलभावो, एवं छन्दमूलकस्स दुक्खस्स कथितत्ता ‘‘इमस्मिं सुत्ते वट्टदुक्खं कथित’’न्ति वुत्तं।
363.Evaṃnāmaketi mallā nāma jānapadino rājakumārā, nesaṃ nivāsatāya ‘‘mallā’’icceva bahuvacanavasena laddhanāmattā evaṃnāmake janapade. Natthi etassa pattiyā kālantarasaññito kāloti akālo, so eva akāliko. Tenāha – ‘‘kālaṃ anatikkamitvā pattenā’’ti. So pana ‘‘yaṃkiñci dukkhaṃ uppajjamānaṃ uppajjati, sabbaṃ taṃ chandamūlaka’’nti evaṃ vutto dukkhassa chandamūlabhāvo, evaṃ chandamūlakassa dukkhassa kathitattā ‘‘imasmiṃ sutte vaṭṭadukkhaṃ kathita’’nti vuttaṃ.
भद्रकसुत्तवण्णना निट्ठिता।
Bhadrakasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ११. भद्रकसुत्तं • 11. Bhadrakasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ११. भद्रकसुत्तवण्णना • 11. Bhadrakasuttavaṇṇanā
