| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༣. བྷདྡིཡསུཏྟཝཎྞནཱ
3. Bhaddiyasuttavaṇṇanā
༡༩༣. ཏཏིཡེ ཨུཔསངྐམཱིཏི བྷུཏྟཔཱཏརཱསོ ཧུཏྭཱ མཱལཱགནྡྷཝིལེཔནཾ གཧེཏྭཱ བྷགཝནྟཾ ཝནྡིསྶཱམཱིཏི ཨུཔསངྐམི། མཱ ཨནུསྶཝེནཱཏིཨཱདཱིསུ ཨནུསྶཝཝཙནེན མམ ཀཐཾ མཱ གཎྷཐཱཏི ཨིམིནཱ ནཡེན ཨཏྠོ ཝེདིཏབྦོ། སཱརམྦྷོཏི ཀརཎུཏྟརིཡལཀྑཎོ སཱརམྦྷོ། ཨལོབྷཱདཡོ ལོབྷཱདིཔཊིཔཀྑཝསེན ཝེདིཏབྦཱ། ཀུསལདྷམྨཱུཔསམྤདཱཡཱཏི ཀུསལདྷམྨཱནཾ སམྤཱདནཏྠཱཡ, པཊིལཱབྷཏྠཱཡཱཏི ཝུཏྟཾ ཧོཏི། ཨིམེ ཙེཔི, བྷདྡིཡ, མཧཱསཱལཱཏི པུརཏོ ཋིཏེ སཱལརུཀྑེ དསྶེནྟོ ཨེཝམཱཧ། སེསམེཏྠ ཧེཊྛཱ ཝུཏྟནཡཏྟཱ ཨུཏྟཱནཏྠཏྟཱ ཙ སུཝིཉྙེཡྻམེཝ། སཏྠརི པན དེསནཾ ཝིནིཝཊྚེནྟེ བྷདྡིཡོ སོཏཱཔནྣོ ཛཱཏོཏི།
193. Tatiye upasaṅkamīti bhuttapātarāso hutvā mālāgandhavilepanaṃ gahetvā bhagavantaṃ vandissāmīti upasaṅkami. Mā anussavenātiādīsu anussavavacanena mama kathaṃ mā gaṇhathāti iminā nayena attho veditabbo. Sārambhoti karaṇuttariyalakkhaṇo sārambho. Alobhādayo lobhādipaṭipakkhavasena veditabbā. Kusaladhammūpasampadāyāti kusaladhammānaṃ sampādanatthāya, paṭilābhatthāyāti vuttaṃ hoti. Ime cepi, bhaddiya, mahāsālāti purato ṭhite sālarukkhe dassento evamāha. Sesamettha heṭṭhā vuttanayattā uttānatthattā ca suviññeyyameva. Satthari pana desanaṃ vinivaṭṭente bhaddiyo sotāpanno jātoti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༣. བྷདྡིཡསུཏྟཾ • 3. Bhaddiyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣. བྷདྡིཡསུཏྟཝཎྞནཱ • 3. Bhaddiyasuttavaṇṇanā
