| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
३. भद्दियसुत्तवण्णना
3. Bhaddiyasuttavaṇṇanā
१९३. ततिये उपसङ्कमीति भुत्तपातरासो हुत्वा मालागन्धविलेपनं गहेत्वा भगवन्तं वन्दिस्सामीति उपसङ्कमि। मा अनुस्सवेनातिआदीसु अनुस्सववचनेन मम कथं मा गण्हथाति इमिना नयेन अत्थो वेदितब्बो। सारम्भोति करणुत्तरियलक्खणो सारम्भो। अलोभादयो लोभादिपटिपक्खवसेन वेदितब्बा। कुसलधम्मूपसम्पदायाति कुसलधम्मानं सम्पादनत्थाय, पटिलाभत्थायाति वुत्तं होति। इमे चेपि, भद्दिय, महासालाति पुरतो ठिते सालरुक्खे दस्सेन्तो एवमाह। सेसमेत्थ हेट्ठा वुत्तनयत्ता उत्तानत्थत्ता च सुविञ्ञेय्यमेव। सत्थरि पन देसनं विनिवट्टेन्ते भद्दियो सोतापन्नो जातोति।
193. Tatiye upasaṅkamīti bhuttapātarāso hutvā mālāgandhavilepanaṃ gahetvā bhagavantaṃ vandissāmīti upasaṅkami. Mā anussavenātiādīsu anussavavacanena mama kathaṃ mā gaṇhathāti iminā nayena attho veditabbo. Sārambhoti karaṇuttariyalakkhaṇo sārambho. Alobhādayo lobhādipaṭipakkhavasena veditabbā. Kusaladhammūpasampadāyāti kusaladhammānaṃ sampādanatthāya, paṭilābhatthāyāti vuttaṃ hoti. Ime cepi, bhaddiya, mahāsālāti purato ṭhite sālarukkhe dassento evamāha. Sesamettha heṭṭhā vuttanayattā uttānatthattā ca suviññeyyameva. Satthari pana desanaṃ vinivaṭṭente bhaddiyo sotāpanno jātoti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ३. भद्दियसुत्तं • 3. Bhaddiyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ३. भद्दियसुत्तवण्णना • 3. Bhaddiyasuttavaṇṇanā
