| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. ভদ্দিযসুত্তং
8. Bhaddiyasuttaṃ
১০৪৪. কপিলৰত্থুনিদানং। একমন্তং নিসিন্নং খো ভদ্দিযং সক্কং ভগৰা এতদৰোচ – ‘‘চতূহি খো, ভদ্দিয, ধম্মেহি সমন্নাগতো অরিযসাৰকো সোতাপন্নো হোতি অৰিনিপাতধম্মো নিযতো সম্বোধিপরাযণো।
1044. Kapilavatthunidānaṃ. Ekamantaṃ nisinnaṃ kho bhaddiyaṃ sakkaṃ bhagavā etadavoca – ‘‘catūhi kho, bhaddiya, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
‘‘কতমেহি চতূহি? ইধ, ভদ্দিয, অরিযসাৰকো বুদ্ধে…পে॰… ধম্মে…পে॰… সঙ্ঘে…পে॰… অরিযকন্তেহি সীলেহি সমন্নাগতো হোতি অখণ্ডেহি…পে॰… সমাধিসংৰত্তনিকেহি। ইমেহি খো, ভদ্দিয, চতূহি ধম্মেহি সমন্নাগতো অরিযসাৰকো সোতাপন্নো হোতি অৰিনিপাতধম্মো নিযতো সম্বোধিপরাযণো’’তি। অট্ঠমং।
‘‘Katamehi catūhi? Idha, bhaddiya, ariyasāvako buddhe…pe… dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, bhaddiya, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Aṭṭhamaṃ.
