| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. ப⁴த்³தி³யஸுத்தங்
8. Bhaddiyasuttaṃ
1044. கபிலவத்து²னிதா³னங். ஏகமந்தங் நிஸின்னங் கோ² ப⁴த்³தி³யங் ஸக்கங் ப⁴க³வா ஏதத³வோச – ‘‘சதூஹி கோ², ப⁴த்³தி³ய, த⁴ம்மேஹி ஸமன்னாக³தோ அரியஸாவகோ ஸோதாபன்னோ ஹோதி அவினிபாதத⁴ம்மோ நியதோ ஸம்போ³தி⁴பராயணோ.
1044. Kapilavatthunidānaṃ. Ekamantaṃ nisinnaṃ kho bhaddiyaṃ sakkaṃ bhagavā etadavoca – ‘‘catūhi kho, bhaddiya, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
‘‘கதமேஹி சதூஹி? இத⁴, ப⁴த்³தி³ய, அரியஸாவகோ பு³த்³தே⁴…பே॰… த⁴ம்மே…பே॰… ஸங்கே⁴…பே॰… அரியகந்தேஹி ஸீலேஹி ஸமன்னாக³தோ ஹோதி அக²ண்டே³ஹி…பே॰… ஸமாதி⁴ஸங்வத்தனிகேஹி. இமேஹி கோ², ப⁴த்³தி³ய, சதூஹி த⁴ம்மேஹி ஸமன்னாக³தோ அரியஸாவகோ ஸோதாபன்னோ ஹோதி அவினிபாதத⁴ம்மோ நியதோ ஸம்போ³தி⁴பராயணோ’’தி. அட்ட²மங்.
‘‘Katamehi catūhi? Idha, bhaddiya, ariyasāvako buddhe…pe… dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, bhaddiya, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Aṭṭhamaṃ.
