| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
ភទ្ទវគ្គិយកថាវណ្ណនា
Bhaddavaggiyakathāvaṇṇanā
៣៦. តិំសភទ្ទវគ្គិយវត្ថុម្ហិ យថាភិរន្តំ វិហរិត្វាតិ យថាអជ្ឈាសយំ វិហរិត្វា។ ពុទ្ធានញ្ហិ ឯកស្មិំ ឋានេ វសន្តានំ ឆាយូទកាទីនំ វិបត្តិំ វា អផាសុកសេនាសនំ វា មនុស្សានំ អស្សទ្ធាទិភាវំ វា អាគម្ម អនភិរតិ នាម នត្ថិ, តេសំ សម្បត្តិយា ‘‘ឥធ ផាសុំ វិហរាមា’’តិ អភិរមិត្វា ចិរវិហារោបិ នត្ថិ។ យត្ថ បន តថាគតេ វិហរន្តេ សត្តា សរណេសុ វា តីសុ បតិដ្ឋហន្តិ, សីលានិ វា សមាទិយន្តិ, បព្ពជន្តិ វា, សោតាបត្តិមគ្គាទីនំ វា បរេសំ ឧបនិស្សយោ ហោតិ, តត្ថ ពុទ្ធា សត្តេ តាសុ សម្បត្តីសុ បតិដ្ឋាបនអជ្ឈាសយេន វសន្តិ, តាសំ អភាវេ បក្កមន្តិ។ តេន វុត្តំ ‘‘យថាអជ្ឈាសយំ វិហរិត្វា’’តិ។ អជ្ឈោគាហេត្វាតិ បវិសិត្វា។ តិំសមត្តាតិ តិំសបមាណា។ សេសមេត្ថ វុត្តនយមេវ។
36. Tiṃsabhaddavaggiyavatthumhi yathābhirantaṃ viharitvāti yathāajjhāsayaṃ viharitvā. Buddhānañhi ekasmiṃ ṭhāne vasantānaṃ chāyūdakādīnaṃ vipattiṃ vā aphāsukasenāsanaṃ vā manussānaṃ assaddhādibhāvaṃ vā āgamma anabhirati nāma natthi, tesaṃ sampattiyā ‘‘idha phāsuṃ viharāmā’’ti abhiramitvā ciravihāropi natthi. Yattha pana tathāgate viharante sattā saraṇesu vā tīsu patiṭṭhahanti, sīlāni vā samādiyanti, pabbajanti vā, sotāpattimaggādīnaṃ vā paresaṃ upanissayo hoti, tattha buddhā satte tāsu sampattīsu patiṭṭhāpanaajjhāsayena vasanti, tāsaṃ abhāve pakkamanti. Tena vuttaṃ ‘‘yathāajjhāsayaṃ viharitvā’’ti. Ajjhogāhetvāti pavisitvā. Tiṃsamattāti tiṃsapamāṇā. Sesamettha vuttanayameva.
ភទ្ទវគ្គិយកថាវណ្ណនា និដ្ឋិតា។
Bhaddavaggiyakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ១១. ភទ្ទវគ្គិយវត្ថុ • 11. Bhaddavaggiyavatthu
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / ភទ្ទវគ្គិយកថា • Bhaddavaggiyakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ភទ្ទវគ្គិយកថាវណ្ណនា • Bhaddavaggiyakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១១. ភទ្ទវគ្គិយកថា • 11. Bhaddavaggiyakathā
