| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
৩. ভদ্দত্থেরগাথা
3. Bhaddattheragāthā
৪৭৩.
473.
‘‘একপুত্তো অহং আসিং, পিযো মাতু পিযো পিতু।
‘‘Ekaputto ahaṃ āsiṃ, piyo mātu piyo pitu;
বহূহি ৰতচরিযাহি, লদ্ধো আযাচনাহি চ॥
Bahūhi vatacariyāhi, laddho āyācanāhi ca.
৪৭৪.
474.
‘‘তে চ মং অনুকম্পায, অত্থকামা হিতেসিনো।
‘‘Te ca maṃ anukampāya, atthakāmā hitesino;
উভো পিতা চ মাতা চ, বুদ্ধস্স উপনামযুং’’॥
Ubho pitā ca mātā ca, buddhassa upanāmayuṃ’’.
৪৭৫.
475.
‘‘কিচ্ছা লদ্ধো অযং পুত্তো, সুখুমালো সুখেধিতো।
‘‘Kicchā laddho ayaṃ putto, sukhumālo sukhedhito;
ইমং দদাম তে নাথ, জিনস্স পরিচারকং’’॥
Imaṃ dadāma te nātha, jinassa paricārakaṃ’’.
৪৭৬.
476.
‘‘সত্থা চ মং পটিগ্গয্হ, আনন্দং এতদব্রৰি।
‘‘Satthā ca maṃ paṭiggayha, ānandaṃ etadabravi;
‘পব্বাজেহি ইমং খিপ্পং, হেস্সত্যাজানিযো অযং॥
‘Pabbājehi imaṃ khippaṃ, hessatyājāniyo ayaṃ.
৪৭৭.
477.
‘‘পব্বাজেত্ৰান মং সত্থা, ৰিহারং পাৰিসী জিনো।
‘‘Pabbājetvāna maṃ satthā, vihāraṃ pāvisī jino;
অনোগ্গতস্মিং সূরিযস্মিং, ততো চিত্তং ৰিমুচ্চি মে॥
Anoggatasmiṃ sūriyasmiṃ, tato cittaṃ vimucci me.
৪৭৮.
478.
‘‘ততো সত্থা নিরাকত্ৰা, পটিসল্লানৰুট্ঠিতো।
‘‘Tato satthā nirākatvā, paṭisallānavuṭṭhito;
‘এহি ভদ্দা’তি মং আহ, সা মে আসূপসম্পদা॥
‘Ehi bhaddā’ti maṃ āha, sā me āsūpasampadā.
৪৭৯.
479.
‘‘জাতিযা সত্তৰস্সেন, লদ্ধা মে উপসম্পদা।
‘‘Jātiyā sattavassena, laddhā me upasampadā;
তিস্সো ৰিজ্জা অনুপ্পত্তা, অহো ধম্মসুধম্মতা’’তি॥
Tisso vijjā anuppattā, aho dhammasudhammatā’’ti.
… ভদ্দো থেরো…।
… Bhaddo thero….
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ৩. ভদ্দত্থেরগাথাৰণ্ণনা • 3. Bhaddattheragāthāvaṇṇanā
