| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
42. ப⁴த்³தா³லிவக்³கோ³
42. Bhaddālivaggo
1. ப⁴த்³தா³லித்தே²ரஅபதா³னங்
1. Bhaddālittheraapadānaṃ
1.
1.
‘‘ஸுமேதோ⁴ நாம ஸம்பு³த்³தோ⁴, அக்³கோ³ காருணிகோ முனி;
‘‘Sumedho nāma sambuddho, aggo kāruṇiko muni;
விவேககாமோ லோகக்³கோ³, ஹிமவந்தமுபாக³மி.
Vivekakāmo lokaggo, himavantamupāgami.
2.
2.
‘‘அஜ்ஜோ²கா³ஹெத்வா ஹிமவங், ஸுமேதோ⁴ லோகனாயகோ;
‘‘Ajjhogāhetvā himavaṃ, sumedho lokanāyako;
பல்லங்கங் ஆபு⁴ஜித்வான, நிஸீதி³ புரிஸுத்தமோ.
Pallaṅkaṃ ābhujitvāna, nisīdi purisuttamo.
3.
3.
‘‘ஸமாதி⁴ங் ஸோ ஸமாபன்னோ, ஸுமேதோ⁴ லோகனாயகோ;
‘‘Samādhiṃ so samāpanno, sumedho lokanāyako;
ஸத்தரத்திந்தி³வங் பு³த்³தோ⁴, நிஸீதி³ புரிஸுத்தமோ.
Sattarattindivaṃ buddho, nisīdi purisuttamo.
4.
4.
தத்த²த்³த³ஸாஸிங் ஸம்பு³த்³த⁴ங், ஓக⁴திண்ணமனாஸவங்.
Tatthaddasāsiṃ sambuddhaṃ, oghatiṇṇamanāsavaṃ.
5.
5.
‘‘ஸம்மஜ்ஜனிங் க³ஹெத்வான, ஸம்மஜ்ஜித்வான அஸ்ஸமங்;
‘‘Sammajjaniṃ gahetvāna, sammajjitvāna assamaṃ;
சதுத³ண்டே³ ட²பெத்வான, அகாஸிங் மண்ட³பங் ததா³.
Catudaṇḍe ṭhapetvāna, akāsiṃ maṇḍapaṃ tadā.
6.
6.
‘‘ஸாலபுப்ப²ங் ஆஹரித்வா, மண்ட³பங் சா²த³யிங் அஹங்;
‘‘Sālapupphaṃ āharitvā, maṇḍapaṃ chādayiṃ ahaṃ;
பஸன்னசித்தோ ஸுமனோ, அபி⁴வந்தி³ங் ததா²க³தங்.
Pasannacitto sumano, abhivandiṃ tathāgataṃ.
7.
7.
‘‘யங் வத³ந்தி ஸுமேதோ⁴தி, பூ⁴ரிபஞ்ஞங் ஸுமேத⁴ஸங்;
‘‘Yaṃ vadanti sumedhoti, bhūripaññaṃ sumedhasaṃ;
பி⁴க்கு²ஸங்கே⁴ நிஸீதி³த்வா, இமா கா³தா² அபா⁴ஸத².
Bhikkhusaṅghe nisīditvā, imā gāthā abhāsatha.
8.
8.
‘‘‘பு³த்³த⁴ஸ்ஸ கி³ரமஞ்ஞாய, ஸப்³பே³ தே³வா ஸமாக³முங்;
‘‘‘Buddhassa giramaññāya, sabbe devā samāgamuṃ;
அஸங்ஸயங் பு³த்³த⁴ஸெட்டோ², த⁴ம்மங் தே³ஸேதி சக்கு²மா.
Asaṃsayaṃ buddhaseṭṭho, dhammaṃ deseti cakkhumā.
9.
9.
‘‘‘ஸுமேதோ⁴ நாம ஸம்பு³த்³தோ⁴, ஆஹுதீனங் படிக்³க³ஹோ;
‘‘‘Sumedho nāma sambuddho, āhutīnaṃ paṭiggaho;
தே³வஸங்கே⁴ நிஸீதி³த்வா, இமா கா³தா² அபா⁴ஸத².
Devasaṅghe nisīditvā, imā gāthā abhāsatha.
10.
10.
‘‘‘யோ மே ஸத்தாஹங் மண்ட³பங், தா⁴ரயீ ஸாலசா²தி³தங்;
‘‘‘Yo me sattāhaṃ maṇḍapaṃ, dhārayī sālachāditaṃ;
தமஹங் கித்தயிஸ்ஸாமி, ஸுணாத² மம பா⁴ஸதோ.
Tamahaṃ kittayissāmi, suṇātha mama bhāsato.
11.
11.
‘‘‘தே³வபூ⁴தோ மனுஸ்ஸோ வா, ஹேமவண்ணோ ப⁴விஸ்ஸதி;
‘‘‘Devabhūto manusso vā, hemavaṇṇo bhavissati;
பஹூதபோ⁴கோ³ ஹுத்வான, காமபோ⁴கீ³ ப⁴விஸ்ஸதி.
Pahūtabhogo hutvāna, kāmabhogī bhavissati.
12.
12.
‘‘‘ஸட்டி² நாக³ஸஹஸ்ஸானி, ஸப்³பா³லங்காரபூ⁴ஸிதா;
‘‘‘Saṭṭhi nāgasahassāni, sabbālaṅkārabhūsitā;
ஸுவண்ணகச்சா² மாதங்கா³, ஹேமகப்பனவாஸஸா.
Suvaṇṇakacchā mātaṅgā, hemakappanavāsasā.
13.
13.
‘‘‘ஆரூள்ஹா கா³மணீயேஹி, தோமரங்குஸபாணிபி⁴;
‘‘‘Ārūḷhā gāmaṇīyehi, tomaraṅkusapāṇibhi;
தேஹி நாகே³ஹி பரிவுதோ, ரமிஸ்ஸதி அயங் நரோ.
Tehi nāgehi parivuto, ramissati ayaṃ naro.
14.
14.
‘‘‘ஸட்டி² அஸ்ஸஸஹஸ்ஸானி, ஸப்³பா³லங்காரபூ⁴ஸிதா;
‘‘‘Saṭṭhi assasahassāni, sabbālaṅkārabhūsitā;
ஆஜானீயாவ ஜாதியா, ஸிந்த⁴வா ஸீக⁴வாஹினோ.
Ājānīyāva jātiyā, sindhavā sīghavāhino.
15.
15.
‘‘‘ஆரூள்ஹா கா³மணீயேஹி, இல்லியாசாபதா⁴ரிபி⁴;
‘‘‘Ārūḷhā gāmaṇīyehi, illiyācāpadhāribhi;
பரிவாரெஸ்ஸந்திமங் நிச்சங், பு³த்³த⁴பூஜாயித³ங் ப²லங்.
Parivāressantimaṃ niccaṃ, buddhapūjāyidaṃ phalaṃ.
16.
16.
‘‘‘ஸட்டி² ரத²ஸஹஸ்ஸானி, ஸப்³பா³லங்காரபூ⁴ஸிதா;
‘‘‘Saṭṭhi rathasahassāni, sabbālaṅkārabhūsitā;
தீ³பா அதோ²பி வேயக்³கா⁴, ஸன்னத்³தா⁴ உஸ்ஸிதத்³த⁴ஜா.
Dīpā athopi veyagghā, sannaddhā ussitaddhajā.
17.
17.
‘‘‘ஆரூள்ஹா கா³மணீயேஹி, சாபஹத்தே²ஹி வம்மிபி⁴;
‘‘‘Ārūḷhā gāmaṇīyehi, cāpahatthehi vammibhi;
பரிவாரெஸ்ஸந்திமங் நிச்சங், பு³த்³த⁴பூஜாயித³ங் ப²லங்.
Parivāressantimaṃ niccaṃ, buddhapūjāyidaṃ phalaṃ.
18.
18.
‘‘‘ஸட்டி² கா³மஸஹஸ்ஸானி, பரிபுண்ணானி ஸப்³ப³ஸோ;
‘‘‘Saṭṭhi gāmasahassāni, paripuṇṇāni sabbaso;
பஹூதத⁴னத⁴ஞ்ஞானி, ஸுஸமித்³தா⁴னி ஸப்³ப³ஸோ;
Pahūtadhanadhaññāni, susamiddhāni sabbaso;
ஸதா³ பாதுப⁴விஸ்ஸந்தி, பு³த்³த⁴பூஜாயித³ங் ப²லங்.
Sadā pātubhavissanti, buddhapūjāyidaṃ phalaṃ.
19.
19.
‘‘‘ஹத்தீ² அஸ்ஸா ரதா² பத்தீ, ஸேனா ச சதுரங்கி³னீ;
‘‘‘Hatthī assā rathā pattī, senā ca caturaṅginī;
பரிவாரெஸ்ஸந்திமங் நிச்சங், பு³த்³த⁴பூஜாயித³ங் ப²லங்.
Parivāressantimaṃ niccaṃ, buddhapūjāyidaṃ phalaṃ.
20.
20.
‘‘‘அட்டா²ரஸே கப்பஸதே, தே³வலோகே ரமிஸ்ஸதி;
‘‘‘Aṭṭhārase kappasate, devaloke ramissati;
ஸஹஸ்ஸக்க²த்துங் ராஜா ச, சக்கவத்தீ ப⁴விஸ்ஸதி.
Sahassakkhattuṃ rājā ca, cakkavattī bhavissati.
21.
21.
‘‘‘ஸதானங் தீணிக்க²த்துஞ்ச, தே³வரஜ்ஜங் கரிஸ்ஸதி;
‘‘‘Satānaṃ tīṇikkhattuñca, devarajjaṃ karissati;
பதே³ஸரஜ்ஜங் விபுலங், க³ணனாதோ அஸங்கி²யங்.
Padesarajjaṃ vipulaṃ, gaṇanāto asaṅkhiyaṃ.
22.
22.
‘‘‘திங்ஸகப்பஸஹஸ்ஸம்ஹி, ஓக்காககுலஸம்ப⁴வோ;
‘‘‘Tiṃsakappasahassamhi, okkākakulasambhavo;
கோ³தமோ நாம கொ³த்தேன, ஸத்தா² லோகே ப⁴விஸ்ஸதி.
Gotamo nāma gottena, satthā loke bhavissati.
23.
23.
‘‘‘தஸ்ஸ த⁴ம்மேஸு தா³யாதோ³, ஓரஸோ த⁴ம்மனிம்மிதோ;
‘‘‘Tassa dhammesu dāyādo, oraso dhammanimmito;
ஸப்³பா³ஸவே பரிஞ்ஞாய, விஹரிஸ்ஸதினாஸவோ’.
Sabbāsave pariññāya, viharissatināsavo’.
24.
24.
‘‘திங்ஸகப்பஸஹஸ்ஸம்ஹி , அத்³த³ஸங் லோகனாயகங்;
‘‘Tiṃsakappasahassamhi , addasaṃ lokanāyakaṃ;
எத்த²ந்தரமுபாதா³ய, க³வேஸிங் அமதங் பத³ங்.
Etthantaramupādāya, gavesiṃ amataṃ padaṃ.
25.
25.
‘‘லாபா⁴ மய்ஹங் ஸுலத்³த⁴ங் மே, யமஹஞ்ஞாஸி ஸாஸனங்;
‘‘Lābhā mayhaṃ suladdhaṃ me, yamahaññāsi sāsanaṃ;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
26.
26.
‘‘நமோ தே புரிஸாஜஞ்ஞ, நமோ தே புரிஸுத்தம;
‘‘Namo te purisājañña, namo te purisuttama;
தவ ஞாணங் பகித்தெத்வா, பத்தொம்ஹி அசலங் பத³ங்.
Tava ñāṇaṃ pakittetvā, pattomhi acalaṃ padaṃ.
27.
27.
‘‘யங் யங் யோனுபபஜ்ஜாமி, தே³வத்தங் அத² மானுஸங்;
‘‘Yaṃ yaṃ yonupapajjāmi, devattaṃ atha mānusaṃ;
ஸப்³ப³த்த² ஸுகி²தோ ஹோமி, ப²லங் மே ஞாணகித்தனே.
Sabbattha sukhito homi, phalaṃ me ñāṇakittane.
28.
28.
‘‘இத³ங் பச்சி²மகங் மய்ஹங், சரிமோ வத்ததே ப⁴வோ;
‘‘Idaṃ pacchimakaṃ mayhaṃ, carimo vattate bhavo;
நாகோ³வ ப³ந்த⁴னங் செ²த்வா, விஹராமி அனாஸவோ.
Nāgova bandhanaṃ chetvā, viharāmi anāsavo.
29.
29.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
நாகோ³வ ப³ந்த⁴னங் செ²த்வா, விஹராமி அனாஸவோ.
Nāgova bandhanaṃ chetvā, viharāmi anāsavo.
30.
30.
‘‘ஸ்வாக³தங் வத மே ஆஸி, மம பு³த்³த⁴ஸ்ஸ ஸந்திகே;
‘‘Svāgataṃ vata me āsi, mama buddhassa santike;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
31.
31.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ப⁴த்³தா³லித்தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā bhaddālitthero imā gāthāyo abhāsitthāti.
ப⁴த்³தா³லித்தே²ரஸ்ஸாபதா³னங் பட²மங்.
Bhaddālittherassāpadānaṃ paṭhamaṃ.
Footnotes:
