| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༤༢. བྷདྡཱལིཝགྒོ
42. Bhaddālivaggo
༡-༡༠. བྷདྡཱལིཏྠེརཨཔདཱནཱདིཝཎྞནཱ
1-10. Bhaddālittheraapadānādivaṇṇanā
བཱཙཏྟཱལཱིསམཝགྒེ པཋམཱཔདཱནཉྩ དུཏིཡཱཔདཱནཉྩ ཏཏིཡཱཔདཱནཉྩ ནཡཱནུསཱརེན སུཝིཉྙེཡྻམེཝ།
Bācattālīsamavagge paṭhamāpadānañca dutiyāpadānañca tatiyāpadānañca nayānusārena suviññeyyameva.
༡༠༦. ཙཏུཏྠཱཔདཱནེ ནགརེ བནྡྷུམཏིཡཱཏིཨཱདིཀཾ ཨཱཡསྨཏོ མདྷུམཾསདཱཡཀཏྠེརསྶ ཨཔདཱནཾ། ཏཏྠ སཱུཀརིཀོཏི སཱུཀརམཾསཾ ཝིཀྐིཎིཏྭཱ ཛཱིཝིཀཾ ཀཔྤེནྟོ། ཨུཀྐོཊཀཾ རནྡྷཡིཏྭཱཏི པིཧཀཔཔྥཱསམཾསཾ པཙིཏྭཱ མདྷུམཾསམྷི ཨོཀིརིཾ པཀྑིཔིཾ། ཏེན མཾསེན པཏྟཾ པཱུརེཏྭཱ བྷིཀྑུསངྒྷསྶ དཏྭཱ ཏེན པུཉྙཀམྨེན ཨིམསྨིཾ བུདྡྷུཔྤཱདེ ཨརཧཏྟཾ པཱཔུཎིནྟི ཨཏྠོ།
106. Catutthāpadāne nagare bandhumatiyātiādikaṃ āyasmato madhumaṃsadāyakattherassa apadānaṃ. Tattha sūkarikoti sūkaramaṃsaṃ vikkiṇitvā jīvikaṃ kappento. Ukkoṭakaṃ randhayitvāti pihakapapphāsamaṃsaṃ pacitvā madhumaṃsamhi okiriṃ pakkhipiṃ. Tena maṃsena pattaṃ pūretvā bhikkhusaṅghassa datvā tena puññakammena imasmiṃ buddhuppāde arahattaṃ pāpuṇinti attho.
ནཱགཔལླཝཏྠེརསྶ པཉྩམཱཔདཱནམྤི ཨེཀདཱིཔིཡཏྠེརསྶ ཚཊྛཱཔདཱནམྤི ཨུཙྪངྒཔུཔྥིཡཏྠེརསྶ སཏྟམཱཔདཱནམྤི ཡཱགུདཱཡཀཏྠེརསྶ ཨཊྛམཱཔདཱནམྤི པཏྠོདནདཱཡཀཏྠེརསྶ ནཝམཱཔདཱནམྤི མཉྩདཱཡཀཏྠེརསྶ དསམཱཔདཱནམྤི སབྦཾ སུཝིཉྙེཡྻམེཝཱཏི།
Nāgapallavattherassa pañcamāpadānampi ekadīpiyattherassa chaṭṭhāpadānampi ucchaṅgapupphiyattherassa sattamāpadānampi yāgudāyakattherassa aṭṭhamāpadānampi patthodanadāyakattherassa navamāpadānampi mañcadāyakattherassa dasamāpadānampi sabbaṃ suviññeyyamevāti.
བཱཙཏྟཱལཱིསམཝགྒཝཎྞནཱ སམཏྟཱ།
Bācattālīsamavaggavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༤. མདྷུམཾསདཱཡཀཏྠེརཨཔདཱནཾ • 4. Madhumaṃsadāyakattheraapadānaṃ
