| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೪೨. ಭದ್ದಾಲಿವಗ್ಗೋ
42. Bhaddālivaggo
೧-೧೦. ಭದ್ದಾಲಿತ್ಥೇರಅಪದಾನಾದಿವಣ್ಣನಾ
1-10. Bhaddālittheraapadānādivaṇṇanā
ಬಾಚತ್ತಾಲೀಸಮವಗ್ಗೇ ಪಠಮಾಪದಾನಞ್ಚ ದುತಿಯಾಪದಾನಞ್ಚ ತತಿಯಾಪದಾನಞ್ಚ ನಯಾನುಸಾರೇನ ಸುವಿಞ್ಞೇಯ್ಯಮೇವ।
Bācattālīsamavagge paṭhamāpadānañca dutiyāpadānañca tatiyāpadānañca nayānusārena suviññeyyameva.
೧೦೬. ಚತುತ್ಥಾಪದಾನೇ ನಗರೇ ಬನ್ಧುಮತಿಯಾತಿಆದಿಕಂ ಆಯಸ್ಮತೋ ಮಧುಮಂಸದಾಯಕತ್ಥೇರಸ್ಸ ಅಪದಾನಂ। ತತ್ಥ ಸೂಕರಿಕೋತಿ ಸೂಕರಮಂಸಂ ವಿಕ್ಕಿಣಿತ್ವಾ ಜೀವಿಕಂ ಕಪ್ಪೇನ್ತೋ। ಉಕ್ಕೋಟಕಂ ರನ್ಧಯಿತ್ವಾತಿ ಪಿಹಕಪಪ್ಫಾಸಮಂಸಂ ಪಚಿತ್ವಾ ಮಧುಮಂಸಮ್ಹಿ ಓಕಿರಿಂ ಪಕ್ಖಿಪಿಂ। ತೇನ ಮಂಸೇನ ಪತ್ತಂ ಪೂರೇತ್ವಾ ಭಿಕ್ಖುಸಙ್ಘಸ್ಸ ದತ್ವಾ ತೇನ ಪುಞ್ಞಕಮ್ಮೇನ ಇಮಸ್ಮಿಂ ಬುದ್ಧುಪ್ಪಾದೇ ಅರಹತ್ತಂ ಪಾಪುಣಿನ್ತಿ ಅತ್ಥೋ।
106. Catutthāpadāne nagare bandhumatiyātiādikaṃ āyasmato madhumaṃsadāyakattherassa apadānaṃ. Tattha sūkarikoti sūkaramaṃsaṃ vikkiṇitvā jīvikaṃ kappento. Ukkoṭakaṃ randhayitvāti pihakapapphāsamaṃsaṃ pacitvā madhumaṃsamhi okiriṃ pakkhipiṃ. Tena maṃsena pattaṃ pūretvā bhikkhusaṅghassa datvā tena puññakammena imasmiṃ buddhuppāde arahattaṃ pāpuṇinti attho.
ನಾಗಪಲ್ಲವತ್ಥೇರಸ್ಸ ಪಞ್ಚಮಾಪದಾನಮ್ಪಿ ಏಕದೀಪಿಯತ್ಥೇರಸ್ಸ ಛಟ್ಠಾಪದಾನಮ್ಪಿ ಉಚ್ಛಙ್ಗಪುಪ್ಫಿಯತ್ಥೇರಸ್ಸ ಸತ್ತಮಾಪದಾನಮ್ಪಿ ಯಾಗುದಾಯಕತ್ಥೇರಸ್ಸ ಅಟ್ಠಮಾಪದಾನಮ್ಪಿ ಪತ್ಥೋದನದಾಯಕತ್ಥೇರಸ್ಸ ನವಮಾಪದಾನಮ್ಪಿ ಮಞ್ಚದಾಯಕತ್ಥೇರಸ್ಸ ದಸಮಾಪದಾನಮ್ಪಿ ಸಬ್ಬಂ ಸುವಿಞ್ಞೇಯ್ಯಮೇವಾತಿ।
Nāgapallavattherassa pañcamāpadānampi ekadīpiyattherassa chaṭṭhāpadānampi ucchaṅgapupphiyattherassa sattamāpadānampi yāgudāyakattherassa aṭṭhamāpadānampi patthodanadāyakattherassa navamāpadānampi mañcadāyakattherassa dasamāpadānampi sabbaṃ suviññeyyamevāti.
ಬಾಚತ್ತಾಲೀಸಮವಗ್ಗವಣ್ಣನಾ ಸಮತ್ತಾ।
Bācattālīsamavaggavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೪. ಮಧುಮಂಸದಾಯಕತ್ಥೇರಅಪದಾನಂ • 4. Madhumaṃsadāyakattheraapadānaṃ
