| Library / Tipiṭaka / તિપિટક • Tipiṭaka / થેરીગાથાપાળિ • Therīgāthāpāḷi |
૯. ભદ્દાકુણ્ડલકેસાથેરીગાથા
9. Bhaddākuṇḍalakesātherīgāthā
૧૦૭.
107.
‘‘લૂનકેસી પઙ્કધરી, એકસાટી પુરે ચરિં;
‘‘Lūnakesī paṅkadharī, ekasāṭī pure cariṃ;
અવજ્જે વજ્જમતિની, વજ્જે ચાવજ્જદસ્સિની.
Avajje vajjamatinī, vajje cāvajjadassinī.
૧૦૮.
108.
‘‘દિવાવિહારા નિક્ખમ્મ, ગિજ્ઝકૂટમ્હિ પબ્બતે;
‘‘Divāvihārā nikkhamma, gijjhakūṭamhi pabbate;
અદ્દસં વિરજં બુદ્ધં, ભિક્ખુસઙ્ઘપુરક્ખતં.
Addasaṃ virajaṃ buddhaṃ, bhikkhusaṅghapurakkhataṃ.
૧૦૯.
109.
‘‘નિહચ્ચ જાણું વન્દિત્વા, સમ્મુખા અઞ્જલિં અકં;
‘‘Nihacca jāṇuṃ vanditvā, sammukhā añjaliṃ akaṃ;
‘એહિ ભદ્દે’તિ મં અવચ, સા મે આસૂપસમ્પદા.
‘Ehi bhadde’ti maṃ avaca, sā me āsūpasampadā.
૧૧૦.
110.
‘‘ચિણ્ણા અઙ્ગા ચ મગધા, વજ્જી કાસી ચ કોસલા;
‘‘Ciṇṇā aṅgā ca magadhā, vajjī kāsī ca kosalā;
અનણા પણ્ણાસવસ્સાનિ, રટ્ઠપિણ્ડં અભુઞ્જહં.
Anaṇā paṇṇāsavassāni, raṭṭhapiṇḍaṃ abhuñjahaṃ.
૧૧૧.
111.
‘‘પુઞ્ઞં વત પસવિ બહું, સપ્પઞ્ઞો વતાયં ઉપાસકો;
‘‘Puññaṃ vata pasavi bahuṃ, sappañño vatāyaṃ upāsako;
યો ભદ્દાય ચીવરં અદાસિ, વિપ્પમુત્તાય સબ્બગન્થેહી’’તિ.
Yo bhaddāya cīvaraṃ adāsi, vippamuttāya sabbaganthehī’’ti.
… ભદ્દા કુણ્ડલકેસા થેરી….
… Bhaddā kuṇḍalakesā therī….
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / થેરીગાથા-અટ્ઠકથા • Therīgāthā-aṭṭhakathā / ૯. ભદ્દાકુણ્ડલકેસાથેરીગાથાવણ્ણના • 9. Bhaddākuṇḍalakesātherīgāthāvaṇṇanā
