| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾਪਾਲ਼ਿ • Therīgāthāpāḷi |
੪. ਚਤੁਕ੍ਕਨਿਪਾਤੋ
4. Catukkanipāto
੧. ਭਦ੍ਦਾਕਾਪਿਲਾਨੀਥੇਰੀਗਾਥਾ
1. Bhaddākāpilānītherīgāthā
੬੩.
63.
‘‘ਪੁਤ੍ਤੋ ਬੁਦ੍ਧਸ੍ਸ ਦਾਯਾਦੋ, ਕਸ੍ਸਪੋ ਸੁਸਮਾਹਿਤੋ।
‘‘Putto buddhassa dāyādo, kassapo susamāhito;
ਪੁਬ੍ਬੇਨਿવਾਸਂ ਯੋવੇਦਿ, ਸਗ੍ਗਾਪਾਯਞ੍ਚ ਪਸ੍ਸਤਿ॥
Pubbenivāsaṃ yovedi, saggāpāyañca passati.
੬੪.
64.
‘‘ਅਥੋ ਜਾਤਿਕ੍ਖਯਂ ਪਤ੍ਤੋ, ਅਭਿਞ੍ਞਾવੋਸਿਤੋ ਮੁਨਿ।
‘‘Atho jātikkhayaṃ patto, abhiññāvosito muni;
ਏਤਾਹਿ ਤੀਹਿ વਿਜ੍ਜਾਹਿ, ਤੇવਿਜ੍ਜੋ ਹੋਤਿ ਬ੍ਰਾਹ੍ਮਣੋ॥
Etāhi tīhi vijjāhi, tevijjo hoti brāhmaṇo.
੬੫.
65.
‘‘ਤਥੇવ ਭਦ੍ਦਾ ਕਾਪਿਲਾਨੀ, ਤੇવਿਜ੍ਜਾ ਮਚ੍ਚੁਹਾਯਿਨੀ।
‘‘Tatheva bhaddā kāpilānī, tevijjā maccuhāyinī;
ਧਾਰੇਤਿ ਅਨ੍ਤਿਮਂ ਦੇਹਂ, ਜੇਤ੍વਾ ਮਾਰਂ ਸવਾਹਨਂ॥
Dhāreti antimaṃ dehaṃ, jetvā māraṃ savāhanaṃ.
੬੬.
66.
‘‘ਦਿਸ੍વਾ ਆਦੀਨવਂ ਲੋਕੇ, ਉਭੋ ਪਬ੍ਬਜਿਤਾ ਮਯਂ।
‘‘Disvā ādīnavaṃ loke, ubho pabbajitā mayaṃ;
ਤ੍ਯਮ੍ਹ ਖੀਣਾਸવਾ ਦਨ੍ਤਾ, ਸੀਤਿਭੂਤਮ੍ਹ ਨਿਬ੍ਬੁਤਾ’’ਤਿ॥
Tyamha khīṇāsavā dantā, sītibhūtamha nibbutā’’ti.
… ਭਦ੍ਦਾ ਕਾਪਿਲਾਨੀ ਥੇਰੀ…।
… Bhaddā kāpilānī therī….
ਚਤੁਕ੍ਕਨਿਪਾਤੋ ਨਿਟ੍ਠਿਤੋ।
Catukkanipāto niṭṭhito.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā / ੧. ਭਦ੍ਦਾਕਾਪਿਲਾਨੀਥੇਰੀਗਾਥਾવਣ੍ਣਨਾ • 1. Bhaddākāpilānītherīgāthāvaṇṇanā
