| Library / Tipiṭaka / तिपिटक • Tipiṭaka / थेरीगाथापाळि • Therīgāthāpāḷi |
४. चतुक्कनिपातो
4. Catukkanipāto
१. भद्दाकापिलानीथेरीगाथा
1. Bhaddākāpilānītherīgāthā
६३.
63.
‘‘पुत्तो बुद्धस्स दायादो, कस्सपो सुसमाहितो।
‘‘Putto buddhassa dāyādo, kassapo susamāhito;
पुब्बेनिवासं योवेदि, सग्गापायञ्च पस्सति॥
Pubbenivāsaṃ yovedi, saggāpāyañca passati.
६४.
64.
‘‘अथो जातिक्खयं पत्तो, अभिञ्ञावोसितो मुनि।
‘‘Atho jātikkhayaṃ patto, abhiññāvosito muni;
एताहि तीहि विज्जाहि, तेविज्जो होति ब्राह्मणो॥
Etāhi tīhi vijjāhi, tevijjo hoti brāhmaṇo.
६५.
65.
‘‘तथेव भद्दा कापिलानी, तेविज्जा मच्चुहायिनी।
‘‘Tatheva bhaddā kāpilānī, tevijjā maccuhāyinī;
धारेति अन्तिमं देहं, जेत्वा मारं सवाहनं॥
Dhāreti antimaṃ dehaṃ, jetvā māraṃ savāhanaṃ.
६६.
66.
‘‘दिस्वा आदीनवं लोके, उभो पब्बजिता मयं।
‘‘Disvā ādīnavaṃ loke, ubho pabbajitā mayaṃ;
त्यम्ह खीणासवा दन्ता, सीतिभूतम्ह निब्बुता’’ति॥
Tyamha khīṇāsavā dantā, sītibhūtamha nibbutā’’ti.
… भद्दा कापिलानी थेरी…।
… Bhaddā kāpilānī therī….
चतुक्कनिपातो निट्ठितो।
Catukkanipāto niṭṭhito.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरीगाथा-अट्ठकथा • Therīgāthā-aṭṭhakathā / १. भद्दाकापिलानीथेरीगाथावण्णना • 1. Bhaddākāpilānītherīgāthāvaṇṇanā
