| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. бхад̣̇д̣̇аж̇ид̇т̇зраабад̣̇аанаван̣н̣анаа
8. Bhaddajittheraapadānavaṇṇanā
адтамаабад̣̇аанз ог̇аяхаахам̣ богкаран̣инд̇иаад̣̇игам̣ ааяасмад̇о бхад̣̇д̣̇аж̇ид̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣раахман̣аанам̣ виж̇ж̇аасиббзсу баарам̣ г̇анд̇ваа гаамз бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃ааяад̇анз ассамам̣ гаарзд̇ваа васанд̇о згад̣̇ивасам̣ сад̇т̇аарам̣ аагаасзна г̇ажчанд̇ам̣ д̣̇исваа басаннамаанасо ан̃ж̇алим̣ баг̇г̇аяха адтааси. сад̇т̇аа д̇асса аж̇жхаасаяам̣ д̣̇исваа аагаасад̇о од̇ари. од̇ин̣н̣асса бана бхаг̇авад̇о мад̇хун̃жа бхисамул̣аалан̃жа саббикийран̃жа убанаамзси, д̇асса д̇ам̣ бхаг̇аваа анугаммам̣ убаад̣̇ааяа бадиг̇г̇ахзд̇ваа анумод̣̇анам̣ гад̇ваа баггаами. со д̇зна бун̃н̃агаммзна д̇усид̇зсу ниб̣б̣ад̇д̇о д̇ад̇т̇а яаавад̇ааяугам̣ тад̇ваа д̇ад̇о жуд̇о абараабарам̣ суг̇ад̇ийсуязва сам̣саранд̇о вибассисса бхаг̇авад̇о гаалз махад̣̇д̇хано сздти худ̇ваа адтасадтибхигкусад̇асахассам̣ бхож̇зд̇ваа д̇ижийварзна ажчаад̣̇зси.
Aṭṭhamāpadāne ogayhāhaṃ pokkharaṇintiādikaṃ āyasmato bhaddajittherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbattitvā viññutaṃ patto brāhmaṇānaṃ vijjāsippesu pāraṃ gantvā kāme pahāya tāpasapabbajjaṃ pabbajitvā araññāyatane assamaṃ kāretvā vasanto ekadivasaṃ satthāraṃ ākāsena gacchantaṃ disvā pasannamānaso añjaliṃ paggayha aṭṭhāsi. Satthā tassa ajjhāsayaṃ disvā ākāsato otari. Otiṇṇassa pana bhagavato madhuñca bhisamuḷālañca sappikhīrañca upanāmesi, tassa taṃ bhagavā anukammaṃ upādāya paṭiggahetvā anumodanaṃ katvā pakkāmi. So tena puññakammena tusitesu nibbatto tattha yāvatāyukaṃ ṭhatvā tato cuto aparāparaṃ sugatīsuyeva saṃsaranto vipassissa bhagavato kāle mahaddhano seṭṭhi hutvā aṭṭhasaṭṭhibhikkhusatasahassaṃ bhojetvā ticīvarena acchādesi.
звам̣ б̣ахум̣ гусалам̣ гад̇ваа д̣̇звалогз ниб̣б̣ад̇д̇и. д̇ад̇т̇а яаавад̇ааяугам̣ тад̇ваа д̇ад̇о жавид̇ваа мануссалогзсу уббанно б̣уд̣̇д̇хасун̃н̃з логз бан̃жа бажжзгаб̣уд̣̇д̇хасад̇аани жад̇уухи бажжаязхи убадтахид̇ваа д̇ад̇о жуд̇о рааж̇агулз ниб̣б̣ад̇д̇ид̇ваа раж̇ж̇ам̣ анусаасанд̇о ад̇д̇ано буд̇д̇ам̣ бажжзгаб̣од̇хим̣ ад̇хиг̇анд̇ваа тид̇ам̣ убадтахид̇ваа д̇асса бариниб̣б̣уд̇асса д̇хаад̇уяо г̇ахзд̇ваа жзд̇ияам̣ гад̇ваа бууж̇зси. звам̣ д̇ад̇т̇а д̇ад̇т̇а д̇аани д̇аани бун̃н̃аани гад̇ваа имасмим̣ б̣уд̣̇д̇хуббаад̣̇з бхад̣̇д̣̇ияанаг̇арз асийд̇игодивибхавасса бхад̣̇д̣̇ияасздтисса згабуд̇д̇аго худ̇ваа ниб̣б̣ад̇д̇и, бхад̣̇д̣̇аж̇ийд̇исса наамам̣ ахоси. д̇асса гира иссарияабхог̇абариваарасамбад̇д̇и жаримабхавз б̣од̇хисад̇д̇асса вияа ахоси.
Evaṃ bahuṃ kusalaṃ katvā devaloke nibbatti. Tattha yāvatāyukaṃ ṭhatvā tato cavitvā manussalokesu uppanno buddhasuññe loke pañca paccekabuddhasatāni catūhi paccayehi upaṭṭhahitvā tato cuto rājakule nibbattitvā rajjaṃ anusāsanto attano puttaṃ paccekabodhiṃ adhigantvā ṭhitaṃ upaṭṭhahitvā tassa parinibbutassa dhātuyo gahetvā cetiyaṃ katvā pūjesi. Evaṃ tattha tattha tāni tāni puññāni katvā imasmiṃ buddhuppāde bhaddiyanagare asītikoṭivibhavassa bhaddiyaseṭṭhissa ekaputtako hutvā nibbatti, bhaddajītissa nāmaṃ ahosi. Tassa kira issariyabhogaparivārasampatti carimabhave bodhisattassa viya ahosi.
д̇ад̣̇аа сад̇т̇аа саавад̇т̇ияам̣ васид̇ваа бхад̣̇д̣̇аж̇игумаарам̣ сан̇г̇ан̣ханад̇т̇ааяа махад̇аа бхигкусан̇гхзна сад̣̇д̇хим̣ бхад̣̇д̣̇ияанаг̇арам̣ г̇анд̇ваа ж̇аад̇ияааванз васи д̇асса н̃аан̣абарибаагам̣ ааг̇амаяамаано. соби убарибаасаад̣̇з нисинно сийхабан̃ж̇арам̣ виварид̇ваа ологзнд̇о бхаг̇авад̇о санд̇игз д̇хаммам̣ сод̇ум̣ г̇ажчанд̇ам̣ махааж̇анам̣ д̣̇исваа, ‘‘гад̇т̇ааяам̣ махааж̇ано г̇ажчад̇ий’’д̇и бужчид̇ваа д̇ам̣ гааран̣ам̣ суд̇ваа саяамби махад̇аа бариваарзна сад̇т̇у санд̇игам̣ г̇анд̇ваа д̇хаммам̣ сун̣анд̇о саб̣б̣аабхаран̣абадиман̣д̣ид̇ова саб̣б̣агилзсз кзбзд̇ваа арахад̇д̇ам̣ баабун̣и. арахад̇д̇з бана д̇зна ад̇хиг̇ад̇з сад̇т̇аа бхад̣̇д̣̇ияасздтим̣ ааманд̇зси – ‘‘д̇ава буд̇д̇о алан̇гад̇абадияад̇д̇о д̇хаммам̣ сун̣анд̇о арахад̇д̇з бад̇идтааси, д̇знасса ид̣̇аанзва баб̣б̣аж̇ид̇ум̣ яуд̇д̇ам̣, но жз баб̣б̣аж̇иссад̇и, бариниб̣б̣ааяиссад̇ий’’д̇и. сздти ‘‘на маяхам̣ буд̇д̇асса д̣̇ахарассзва сад̇о бариниб̣б̣аанзна гижжам̣ ад̇т̇и, баб̣б̣ааж̇зт̇а на’’нд̇и ааха. д̇ам̣ сад̇т̇аа баб̣б̣ааж̇зд̇ваа убасамбаад̣̇зд̇ваа д̇ад̇т̇а сад̇д̇аахам̣ васид̇ваа годиг̇аамам̣ баабун̣и, со жа г̇аамо г̇ан̇г̇аад̇ийрз ахоси . годиг̇аамаваасино жа б̣уд̣̇д̇хаббамукасса бхигкусан̇гхасса махаад̣̇аанам̣ бавад̇д̇зсум̣. бхад̣̇д̣̇аж̇ид̇т̇зро сад̇т̇аараа анумод̣̇анааяа аарад̣̇д̇хамад̇д̇ааяа б̣ахиг̇аамам̣ г̇анд̇ваа ‘‘г̇ан̇г̇аад̇ийрз маг̇г̇асамийбз сад̇т̇у ааг̇ад̇агаалз вудтахиссаамий’’д̇и гаалабарижчзд̣̇ам̣ гад̇ваа ан̃н̃ад̇арасмим̣ ругкамуулз самаабад̇д̇им̣ самаабаж̇ж̇ид̇ваа нисийд̣̇и. махаат̇зрзсу ааг̇ажчанд̇зсуби авудтахид̇ваа сад̇т̇у ааг̇ад̇агаалзязва вудтааси. бут̇уж̇ж̇анаа бхигкуу – ‘‘аяам̣ ад̇хунаа баб̣б̣аж̇ид̇о, махаат̇зрзсу ааг̇ажчанд̇зсу маанат̇ад̣̇д̇хо худ̇ваа на вудтаасий’’д̇и уж̇жхааяим̣су.
Tadā satthā sāvatthiyaṃ vasitvā bhaddajikumāraṃ saṅgaṇhanatthāya mahatā bhikkhusaṅghena saddhiṃ bhaddiyanagaraṃ gantvā jātiyāvane vasi tassa ñāṇaparipākaṃ āgamayamāno. Sopi uparipāsāde nisinno sīhapañjaraṃ vivaritvā olokento bhagavato santike dhammaṃ sotuṃ gacchantaṃ mahājanaṃ disvā, ‘‘katthāyaṃ mahājano gacchatī’’ti pucchitvā taṃ kāraṇaṃ sutvā sayampi mahatā parivārena satthu santikaṃ gantvā dhammaṃ suṇanto sabbābharaṇapaṭimaṇḍitova sabbakilese khepetvā arahattaṃ pāpuṇi. Arahatte pana tena adhigate satthā bhaddiyaseṭṭhiṃ āmantesi – ‘‘tava putto alaṅkatapaṭiyatto dhammaṃ suṇanto arahatte patiṭṭhāsi, tenassa idāneva pabbajituṃ yuttaṃ, no ce pabbajissati, parinibbāyissatī’’ti. Seṭṭhi ‘‘na mayhaṃ puttassa daharasseva sato parinibbānena kiccaṃ atthi, pabbājetha na’’nti āha. Taṃ satthā pabbājetvā upasampādetvā tattha sattāhaṃ vasitvā koṭigāmaṃ pāpuṇi, so ca gāmo gaṅgātīre ahosi . Koṭigāmavāsino ca buddhappamukhassa bhikkhusaṅghassa mahādānaṃ pavattesuṃ. Bhaddajitthero satthārā anumodanāya āraddhamattāya bahigāmaṃ gantvā ‘‘gaṅgātīre maggasamīpe satthu āgatakāle vuṭṭhahissāmī’’ti kālaparicchedaṃ katvā aññatarasmiṃ rukkhamūle samāpattiṃ samāpajjitvā nisīdi. Mahātheresu āgacchantesupi avuṭṭhahitvā satthu āgatakāleyeva vuṭṭhāsi. Puthujjanā bhikkhū – ‘‘ayaṃ adhunā pabbajito, mahātheresu āgacchantesu mānathaddho hutvā na vuṭṭhāsī’’ti ujjhāyiṃsu.
годиг̇аамаваасино сад̇т̇у бхигкусан̇гхасса жа б̣ахуу нааваасан̇гхаадз б̣анд̇хим̣су. сад̇т̇аа ‘‘бхад̣̇д̣̇аж̇иссаанубхаавам̣ багаасзмий’’д̇и наавааяа тад̇ваа ‘‘гахам̣ бхад̣̇д̣̇аж̇ий’’д̇и бужчи. бхад̣̇д̣̇аж̇ид̇т̇зро – ‘‘сохам̣, бханд̇з’’д̇и сад̇т̇аарам̣ убасан̇гамид̇ваа ан̃ж̇алим̣ гад̇ваа адтааси. сад̇т̇аа ‘‘зхи, бхад̣̇д̣̇аж̇и, амхзхи сад̣̇д̇хим̣ зганаавам̣ абхирухаа’’д̇и. со уббад̇ид̇ваа сад̇т̇у тид̇анаавааяам̣ адтааси. сад̇т̇аа г̇ан̇г̇ааяа маж̇жхз г̇ад̇агаалз, ‘‘бхад̣̇д̣̇аж̇и, д̇аяаа махаабанаад̣̇агаалз аж̇жхаавудтарад̇анабаасаад̣̇о гаха’’нд̇и ааха. ‘‘имасмим̣ таанз нимуг̇г̇о, бханд̇з’’д̇и. ‘‘д̇зна хи, бхад̣̇д̣̇аж̇и, саб̣рахмажаарийнам̣ ган̇кам̣ чинд̣̇аа’’д̇и. д̇асмим̣ кан̣з т̇зро сад̇т̇аарам̣ ванд̣̇ид̇ваа ид̣̇д̇хиб̣алзна г̇анд̇ваа баасаад̣̇ат̇уубигам̣ баад̣̇ан̇г̇уланд̇арзна саннируж̇жхид̇ваа бан̃жавийсад̇ияож̇анам̣ баасаад̣̇ам̣ г̇ахзд̇ваа аагаасз уббад̇и, уббад̇анд̇о жа бан̃н̃аасаяож̇анаани угкиби. ат̇асса буримабхавз н̃аад̇агаа баасаад̣̇аг̇ад̇зна лобхзна мажчагажчабаман̣д̣уугаа худ̇ваа ниб̣б̣ад̇д̇аа д̇асмим̣ баасаад̣̇з удтаханд̇з баривад̇д̇ид̇ваа бад̇им̣су. сад̇т̇аа д̇з самбад̇анд̇з д̣̇исваа ‘‘н̃аад̇агаа д̇з, бхад̣̇д̣̇аж̇и, гиламанд̇ий’’д̇и ааха. т̇зро сад̇т̇у важанзна баасаад̣̇ам̣ виссаж̇ж̇зси. баасаад̣̇о яат̇аатаанзязва бад̇идтахи. сад̇т̇аа бааран̇г̇ад̇о бхигкуухи – ‘‘гад̣̇аа, бханд̇з, бхад̣̇д̣̇аж̇ид̇т̇зрзна аяам̣ баасаад̣̇о аж̇жхаавудто’’д̇и будто махаабанаад̣̇аж̇аад̇агам̣ (ж̇аа. 1.3.40 аад̣̇аяо) гат̇зд̇ваа б̣ахуж̇анам̣ д̇хаммаамад̇ам̣ бааязси.
Koṭigāmavāsino satthu bhikkhusaṅghassa ca bahū nāvāsaṅghāṭe bandhiṃsu. Satthā ‘‘bhaddajissānubhāvaṃ pakāsemī’’ti nāvāya ṭhatvā ‘‘kahaṃ bhaddajī’’ti pucchi. Bhaddajitthero – ‘‘sohaṃ, bhante’’ti satthāraṃ upasaṅkamitvā añjaliṃ katvā aṭṭhāsi. Satthā ‘‘ehi, bhaddaji, amhehi saddhiṃ ekanāvaṃ abhiruhā’’ti. So uppatitvā satthu ṭhitanāvāyaṃ aṭṭhāsi. Satthā gaṅgāya majjhe gatakāle, ‘‘bhaddaji, tayā mahāpanādakāle ajjhāvuṭṭharatanapāsādo kaha’’nti āha. ‘‘Imasmiṃ ṭhāne nimuggo, bhante’’ti. ‘‘Tena hi, bhaddaji, sabrahmacārīnaṃ kaṅkhaṃ chindā’’ti. Tasmiṃ khaṇe thero satthāraṃ vanditvā iddhibalena gantvā pāsādathūpikaṃ pādaṅgulantarena sannirujjhitvā pañcavīsatiyojanaṃ pāsādaṃ gahetvā ākāse uppati, uppatanto ca paññāsayojanāni ukkhipi. Athassa purimabhave ñātakā pāsādagatena lobhena macchakacchapamaṇḍūkā hutvā nibbattā tasmiṃ pāsāde uṭṭhahante parivattitvā patiṃsu. Satthā te sampatante disvā ‘‘ñātakā te, bhaddaji, kilamantī’’ti āha. Thero satthu vacanena pāsādaṃ vissajjesi. Pāsādo yathāṭhāneyeva patiṭṭhahi. Satthā pāraṅgato bhikkhūhi – ‘‘kadā, bhante, bhaddajittherena ayaṃ pāsādo ajjhāvuṭṭho’’ti puṭṭho mahāpanādajātakaṃ (jā. 1.3.40 ādayo) kathetvā bahujanaṃ dhammāmataṃ pāyesi.
98. т̇зро бана арахад̇д̇ам̣ бад̇д̇о буб̣б̣асамбхаарам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзд̇ум̣ ог̇аяхаахам̣ богкаран̣инд̇иаад̣̇имааха. д̇ад̇т̇а ог̇аяхаахам̣ богкаран̣инд̇и бут̇унаанааанзгамахогхзхи кан̣ид̇ад̇д̇аа ‘‘богкаран̣ий’’д̇и лад̣̇д̇ханаамам̣ ж̇алаасаяам̣ ог̇аяха ог̇ахзд̇ваа бависид̇ваа аж̇жхог̇аахзд̇ваа гхаасахзд̇укаад̣̇анад̇т̇ааяа д̇ад̇т̇а богкаран̣ияам̣ бависид̇ваа бхисам̣ бад̣̇умабун̣д̣арийгамуулам̣ уд̣̇д̇хараамийд̇и ад̇т̇о. сзсам̣ хздтаа вуд̇д̇анаяад̇д̇аа уд̇д̇аанабад̣̇ад̇т̇ад̇д̇аа жа наяаанусаарзна сувин̃н̃зяяамзваад̇и.
98. Thero pana arahattaṃ patto pubbasambhāraṃ saritvā somanassajāto pubbacaritāpadānaṃ pakāsetuṃ ogayhāhaṃ pokkharaṇintiādimāha. Tattha ogayhāhaṃ pokkharaṇinti puthunānāanekamahoghehi khaṇitattā ‘‘pokkharaṇī’’ti laddhanāmaṃ jalāsayaṃ ogayha ogahetvā pavisitvā ajjhogāhetvā ghāsahetukhādanatthāya tattha pokkharaṇiyaṃ pavisitvā bhisaṃ padumapuṇḍarīkamūlaṃ uddharāmīti attho. Sesaṃ heṭṭhā vuttanayattā uttānapadatthattā ca nayānusārena suviññeyyamevāti.
бхад̣̇д̣̇аж̇ид̇т̇зраабад̣̇аанаван̣н̣анаа самад̇д̇аа.
Bhaddajittheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. бхад̣̇д̣̇аж̇ид̇т̇зраабад̣̇аанам̣ • 8. Bhaddajittheraapadānaṃ
