| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. බන්ධුජීවකත්ථෙරඅපදානං
2. Bandhujīvakattheraapadānaṃ
6.
6.
‘‘සිද්ධත්ථො නාම සම්බුද්ධො, සයම්භූ සබ්භි වණ්ණිතො;
‘‘Siddhattho nāma sambuddho, sayambhū sabbhi vaṇṇito;
සමාධිං සො සමාපන්නො, නිසීදි පබ්බතන්තරෙ.
Samādhiṃ so samāpanno, nisīdi pabbatantare.
7.
7.
‘‘ජාතස්සරෙ ගවෙසන්තො, දකජං පුප්ඵමුත්තමං;
‘‘Jātassare gavesanto, dakajaṃ pupphamuttamaṃ;
බන්ධුජීවකපුප්ඵානි, අද්දසං සමනන්තරං.
Bandhujīvakapupphāni, addasaṃ samanantaraṃ.
8.
8.
‘‘උභො හත්ථෙහි පග්ගය්හ, උපාගච්ඡිං මහාමුනිං;
‘‘Ubho hatthehi paggayha, upāgacchiṃ mahāmuniṃ;
පසන්නචිත්තො සුමනො, සිද්ධත්ථස්සාභිරොපයිං.
Pasannacitto sumano, siddhatthassābhiropayiṃ.
9.
9.
‘‘චතුන්නවුතිතො කප්පෙ, යං පුප්ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
10.
10.
‘‘ඉතො චාතුද්දසෙ කප්පෙ, එකො ආසිං ජනාධිපො;
‘‘Ito cātuddase kappe, eko āsiṃ janādhipo;
සමුද්දකප්පො නාමෙන, චක්කවත්තී මහබ්බලො.
Samuddakappo nāmena, cakkavattī mahabbalo.
11.
11.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා බන්ධුජීවකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā bandhujīvako thero imā gāthāyo abhāsitthāti.
බන්ධුජීවකත්ථෙරස්සාපදානං දුතියං.
Bandhujīvakattherassāpadānaṃ dutiyaṃ.
