| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅-၉. ဗန္ဓနသုတ္တာဒိဝဏ္ဏနာ
5-9. Bandhanasuttādivaṇṇanā
၁၁၇-၁၂၁. တီရံ ဝုစ္စတိ ဝဋ္ဋံ ဩရိမတီရန္တိ ကတ္ဝာ။ တေနာဟ ‘‘အထာယံ ဣတရာ ပဇာ, တီရမေဝာနုဓာဝတီ’’တိ (ဓ. ပ. ၈၅)။ ပာရံ ဝုစ္စတိ နိဗ္ဗာနံ သံသာရသ္သ ပာရိမန္တိ ကတ္ဝာ။ ဗဒ္ဓောတိ အနုသယပ္ပဟာနသ္သ အကတတ္တာ ကိလေသဗန္ဓနေန ဗဒ္ဓော, သုက္ကပက္ခေပိ ဒိဋ္ဌိသမနုပသ္သနာယ ရူပာဒိဗန္ဓနသ္သ ပဋိက္ခေပမတ္တမေဝ ဝုတ္တံ, န ဝိမောက္ခန္တိ အဓိပ္ပာယော။ ဣမသ္မိံ သုတ္တေ ဝဋ္ဋဒုက္ခံ ကထိတန္တိ ‘‘တီရဒသ္သီ ပာရဒသ္သီ, ပရိမုတ္တော သော ဒုက္ခသ္မာတိ ဝဒာမီ’’တိ အာဂတတ္တာ ဝဋ္ဋဝိဝဋ္ဋံ ကထိကန္တိ ဝတ္တုံ သက္ကာ။
117-121.Tīraṃ vuccati vaṭṭaṃ orimatīranti katvā. Tenāha ‘‘athāyaṃ itarā pajā, tīramevānudhāvatī’’ti (dha. pa. 85). Pāraṃ vuccati nibbānaṃ saṃsārassa pārimanti katvā. Baddhoti anusayappahānassa akatattā kilesabandhanena baddho, sukkapakkhepi diṭṭhisamanupassanāya rūpādibandhanassa paṭikkhepamattameva vuttaṃ, na vimokkhanti adhippāyo. Imasmiṃ sutte vaṭṭadukkhaṃ kathitanti ‘‘tīradassī pāradassī, parimutto so dukkhasmāti vadāmī’’ti āgatattā vaṭṭavivaṭṭaṃ kathikanti vattuṃ sakkā.
ဆဋ္ဌာဒီနိ ဥတ္တာနတ္ထာနေဝ ဟေဋ္ဌာ ဝုတ္တနယတ္တာ။
Chaṭṭhādīni uttānatthāneva heṭṭhā vuttanayattā.
ဗန္ဓနသုတ္တာဒိဝဏ္ဏနာ နိဋ္ဌိတာ။
Bandhanasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၅. ဗန္ဓနသုတ္တံ • 5. Bandhanasuttaṃ
၆. ပရိပုစ္ဆိတသုတ္တံ • 6. Paripucchitasuttaṃ
၇. ဒုတိယပရိပုစ္ဆိတသုတ္တံ • 7. Dutiyaparipucchitasuttaṃ
၈. သံယောဇနိယသုတ္တံ • 8. Saṃyojaniyasuttaṃ
၉. ဥပာဒာနိယသုတ္တံ • 9. Upādāniyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅-၉. ဗန္ဓနသုတ္တာဒိဝဏ္ဏနာ • 5-9. Bandhanasuttādivaṇṇanā
