| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
5. б̣аалаваг̇г̇о
5. Bālavaggo
60.
60.
д̣̇ийгхаа ж̇ааг̇арад̇о рад̇д̇и, д̣̇ийгхам̣ санд̇асса яож̇анам̣;
Dīghā jāgarato ratti, dīghaṃ santassa yojanaṃ;
д̣̇ийгхо б̣аалаанам̣ сам̣сааро, сад̣̇д̇хаммам̣ авиж̇аанад̇ам̣.
Dīgho bālānaṃ saṃsāro, saddhammaṃ avijānataṃ.
61.
61.
жаран̃жз наад̇хиг̇ажчзяяа, сзяяам̣ сад̣̇исамад̇д̇ано;
Carañce nādhigaccheyya, seyyaṃ sadisamattano;
згажарияам̣ 1 д̣̇ал̣хам̣ гаяираа, над̇т̇и б̣аалз сахааяад̇аа.
Ekacariyaṃ 2 daḷhaṃ kayirā, natthi bāle sahāyatā.
62.
62.
буд̇д̇аа мад̇т̇и д̇ханаммад̇т̇и 3, ид̇и б̣аало вихан̃н̃ад̇и;
Puttā matthi dhanammatthi 4, iti bālo vihaññati;
ад̇д̇аа хи 5 ад̇д̇ано над̇т̇и, гуд̇о буд̇д̇аа гуд̇о д̇ханам̣.
Attā hi 6 attano natthi, kuto puttā kuto dhanaṃ.
63.
63.
яо б̣аало ман̃н̃ад̇и б̣ааляам̣, бан̣д̣ид̇о вааби д̇зна со;
Yo bālo maññati bālyaṃ, paṇḍito vāpi tena so;
б̣аало жа бан̣д̣ид̇амааний, са вз ‘‘б̣аало’’д̇и вужжад̇и.
Bālo ca paṇḍitamānī, sa ve ‘‘bālo’’ti vuccati.
64.
64.
яааваж̇ийвамби жз б̣аало, бан̣д̣ид̇ам̣ баяирубаасад̇и;
Yāvajīvampi ce bālo, paṇḍitaṃ payirupāsati;
на со д̇хаммам̣ виж̇аанаад̇и, д̣̇аб̣б̣ий суубарасам̣ яат̇аа.
Na so dhammaṃ vijānāti, dabbī sūparasaṃ yathā.
65.
65.
мухуд̇д̇амаби жз вин̃н̃уу, бан̣д̣ид̇ам̣ баяирубаасад̇и;
Muhuttamapi ce viññū, paṇḍitaṃ payirupāsati;
киббам̣ д̇хаммам̣ виж̇аанаад̇и, ж̇ивхаа суубарасам̣ яат̇аа.
Khippaṃ dhammaṃ vijānāti, jivhā sūparasaṃ yathā.
66.
66.
жаранд̇и б̣аалаа д̣̇уммзд̇хаа, амид̇д̇знзва ад̇д̇анаа;
Caranti bālā dummedhā, amitteneva attanā;
гаронд̇аа баабагам̣ гаммам̣, яам̣ ход̇и гадугабпалам̣.
Karontā pāpakaṃ kammaṃ, yaṃ hoti kaṭukapphalaṃ.
67.
67.
на д̇ам̣ гаммам̣ гад̇ам̣ саад̇ху, яам̣ гад̇ваа ануд̇аббад̇и;
Na taṃ kammaṃ kataṃ sādhu, yaṃ katvā anutappati;
яасса ассумуко род̣̇ам̣, вибаагам̣ бадисзвад̇и.
Yassa assumukho rodaṃ, vipākaṃ paṭisevati.
68.
68.
д̇ан̃жа гаммам̣ гад̇ам̣ саад̇ху, яам̣ гад̇ваа наануд̇аббад̇и;
Tañca kammaṃ kataṃ sādhu, yaṃ katvā nānutappati;
яасса бад̇ийд̇о сумано, вибаагам̣ бадисзвад̇и.
Yassa patīto sumano, vipākaṃ paṭisevati.
69.
69.
мад̇хуваа 7 ман̃н̃ад̇и б̣аало, яаава баабам̣ на бажжад̇и;
Madhuvā 8 maññati bālo, yāva pāpaṃ na paccati;
яад̣̇аа жа бажжад̇и баабам̣, б̣аало 9 д̣̇угкам̣ ниг̇ажчад̇и.
Yadā ca paccati pāpaṃ, bālo 10 dukkhaṃ nigacchati.
70.
70.
маасз маасз гусаг̇г̇зна, б̣аало бхун̃ж̇зяяа бхож̇анам̣;
Māse māse kusaggena, bālo bhuñjeyya bhojanaṃ;
на со сан̇каад̇ад̇хаммаанам̣ 11, галам̣ аг̇гхад̇и сол̣асим̣.
Na so saṅkhātadhammānaṃ 12, kalaṃ agghati soḷasiṃ.
71.
71.
на хи баабам̣ гад̇ам̣ гаммам̣, саж̇ж̇у кийрам̣ва мужжад̇и;
Na hi pāpaṃ kataṃ kammaṃ, sajju khīraṃva muccati;
д̣аханд̇ам̣ б̣ааламанвзд̇и, бхасмажчаннова 13 бааваго.
Ḍahantaṃ bālamanveti, bhasmacchannova 14 pāvako.
72.
72.
яаавад̣̇зва анад̇т̇ааяа, н̃ад̇д̇ам̣ 15 б̣ааласса ж̇ааяад̇и;
Yāvadeva anatthāya, ñattaṃ 16 bālassa jāyati;
ханд̇и б̣ааласса суггам̣сам̣, муд̣̇д̇хамасса вибаад̇аяам̣.
Hanti bālassa sukkaṃsaṃ, muddhamassa vipātayaṃ.
73.
73.
асанд̇ам̣ бхааванамижчзяяа 17, бурзгкааран̃жа бхигкусу;
Asantaṃ bhāvanamiccheyya 18, purekkhārañca bhikkhusu;
ааваасзсу жа иссарияам̣, бууж̇аа барагулзсу жа.
Āvāsesu ca issariyaṃ, pūjā parakulesu ca.
74.
74.
мамзва гад̇а ман̃н̃анд̇у, г̇ихийбаб̣б̣аж̇ид̇аа убхо;
Mameva kata maññantu, gihīpabbajitā ubho;
мамзваад̇ивасаа ассу, гижжаагижжзсу гисмижи;
Mamevātivasā assu, kiccākiccesu kismici;
ид̇и б̣ааласса сан̇габбо, ижчаа маано жа вад̣дхад̇и.
Iti bālassa saṅkappo, icchā māno ca vaḍḍhati.
75.
75.
ан̃н̃аа хи лаабхуубанисаа, ан̃н̃аа ниб̣б̣аанаг̇ааминий;
Aññā hi lābhūpanisā, aññā nibbānagāminī;
звамзд̇ам̣ абхин̃н̃ааяа, бхигку б̣уд̣̇д̇хасса сааваго;
Evametaṃ abhiññāya, bhikkhu buddhassa sāvako;
саггаарам̣ наабхинанд̣̇зяяа, вивзгамануб̣руухаяз.
Sakkāraṃ nābhinandeyya, vivekamanubrūhaye.
б̣аалаваг̇г̇о бан̃жамо нидтид̇о.
Bālavaggo pañcamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 5. б̣аалаваг̇г̇о • 5. Bālavaggo
