| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅. ဗလသုတ္တဝဏ္ဏနာ
5. Balasuttavaṇṇanā
၅. ပဉ္စမေ အဝိဇ္ဇာကောသဇ္ဇသာဝဇ္ဇအသ္သဒ္ဓိယေသု အကမ္ပနတော ပညာဗလာဒီနိ ဒဋ္ဌဗ္ဗာနိ။ အကုသလသင္ခာတာတိ အကုသလာတိ ဉာတာ။ ဧသ နယော သဗ္ဗတ္ထ။ နာလမရိယာတိ အရိယဘာဝံ ကာတုံ အသမတ္ထာ, အရိယာနံ ဝာ အနနုစ္ဆဝိကာ။ ဝောဒိဋ္ဌာတိ သုဋ္ဌု ဒိဋ္ဌာ။ ဝောစရိတာတိ မနောဒ္ဝာရေ သမုဒာစာရပ္ပတ္တာ။ အတ္ထိကသ္သာတိ ဓမ္မဒေသနာယ အတ္ထိကသ္သ။ အာဇီဝိကာဘယန္တိ ဇီဝိတဝုတ္တိဘယံ။ အသိလောကဘယန္တိ ဂရဟာဘယံ။ ပရိသာသာရဇ္ဇဘယန္တိ ပရိသံ ပတ္ဝာ သာရဇ္ဇံ ဩက္ကမနဘယံ။ ဣမသ္မိံ သုတ္တေ ဝဋ္ဋဝိဝဋ္ဋံ ကထိတံ။
5. Pañcame avijjākosajjasāvajjaassaddhiyesu akampanato paññābalādīni daṭṭhabbāni. Akusalasaṅkhātāti akusalāti ñātā. Esa nayo sabbattha. Nālamariyāti ariyabhāvaṃ kātuṃ asamatthā, ariyānaṃ vā ananucchavikā. Vodiṭṭhāti suṭṭhu diṭṭhā. Vocaritāti manodvāre samudācārappattā. Atthikassāti dhammadesanāya atthikassa. Ājīvikābhayanti jīvitavuttibhayaṃ. Asilokabhayanti garahābhayaṃ. Parisāsārajjabhayanti parisaṃ patvā sārajjaṃ okkamanabhayaṃ. Imasmiṃ sutte vaṭṭavivaṭṭaṃ kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၅. ဗလသုတ္တံ • 5. Balasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄-၅. နန္ဒကသုတ္တာဒိဝဏ္ဏနာ • 4-5. Nandakasuttādivaṇṇanā
