| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. བལསུཏྟཾ
8. Balasuttaṃ
༧༢. ‘‘ཚཧི, བྷིཀྑཝེ, དྷམྨེཧི སམནྣཱགཏོ བྷིཀྑུ ཨབྷབྦོ སམཱདྷིསྨིཾ 1 བལཏཾ པཱཔུཎིཏུཾ། ཀཏམེཧི ཚཧི? ཨིདྷ, བྷིཀྑཝེ, བྷིཀྑུ ན སམཱདྷིསྶ སམཱཔཏྟིཀུསལོ ཧོཏི, ན སམཱདྷིསྶ ཋིཏིཀུསལོ ཧོཏི, ན སམཱདྷིསྶ 2 ཝུཊྛཱནཀུསལོ ཧོཏི, ཨསཀྐཙྩཀཱརཱི ཙ ཧོཏི, ཨསཱཏཙྩཀཱརཱི ཙ, ཨསཔྤཱཡཀཱརཱི ཙ། ཨིམེཧི ཁོ, བྷིཀྑཝེ, ཚཧི དྷམྨེཧི སམནྣཱགཏོ བྷིཀྑུ ཨབྷབྦོ སམཱདྷིསྨིཾ བལཏཾ པཱཔུཎིཏུཾ།
72. ‘‘Chahi, bhikkhave, dhammehi samannāgato bhikkhu abhabbo samādhismiṃ 3 balataṃ pāpuṇituṃ. Katamehi chahi? Idha, bhikkhave, bhikkhu na samādhissa samāpattikusalo hoti, na samādhissa ṭhitikusalo hoti, na samādhissa 4 vuṭṭhānakusalo hoti, asakkaccakārī ca hoti, asātaccakārī ca, asappāyakārī ca. Imehi kho, bhikkhave, chahi dhammehi samannāgato bhikkhu abhabbo samādhismiṃ balataṃ pāpuṇituṃ.
‘‘ཚཧི, བྷིཀྑཝེ, དྷམྨེཧི སམནྣཱགཏོ བྷིཀྑུ བྷབྦོ སམཱདྷིསྨིཾ བལཏཾ པཱཔུཎིཏུཾ། ཀཏམེཧི ཚཧི? ཨིདྷ , བྷིཀྑཝེ, བྷིཀྑུ སམཱདྷིསྶ སམཱཔཏྟིཀུསལོ ཧོཏི, སམཱདྷིསྶ ཋིཏིཀུསལོ ཧོཏི, སམཱདྷིསྶ ཝུཊྛཱནཀུསལོ ཧོཏི, སཀྐཙྩཀཱརཱི ཙ ཧོཏི, སཱཏཙྩཀཱརཱི ཙ, སཔྤཱཡཀཱརཱི ཙ། ཨིམེཧི ཁོ, བྷིཀྑཝེ, ཚཧི དྷམྨེཧི སམནྣཱགཏོ བྷིཀྑུ བྷབྦོ སམཱདྷིསྨིཾ བལཏཾ པཱཔུཎིཏུ’’ནྟི། ཨཊྛམཾ།
‘‘Chahi, bhikkhave, dhammehi samannāgato bhikkhu bhabbo samādhismiṃ balataṃ pāpuṇituṃ. Katamehi chahi? Idha , bhikkhave, bhikkhu samādhissa samāpattikusalo hoti, samādhissa ṭhitikusalo hoti, samādhissa vuṭṭhānakusalo hoti, sakkaccakārī ca hoti, sātaccakārī ca, sappāyakārī ca. Imehi kho, bhikkhave, chahi dhammehi samannāgato bhikkhu bhabbo samādhismiṃ balataṃ pāpuṇitu’’nti. Aṭṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. བལསུཏྟཝཎྞནཱ • 8. Balasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧-༡༠. སཀྑིབྷབྦསུཏྟཱདིཝཎྞནཱ • 7-10. Sakkhibhabbasuttādivaṇṇanā
