| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೮. ಬಹುಕಾರಸುತ್ತಂ
8. Bahukārasuttaṃ
೧೦೭. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
107. Vuttañhetaṃ bhagavatā, vuttamarahatāti me sutaṃ –
‘‘ಬಹುಕಾರಾ 1, ಭಿಕ್ಖವೇ, ಬ್ರಾಹ್ಮಣಗಹಪತಿಕಾ ತುಮ್ಹಾಕಂ ಯೇ ವೋ 2 ಪಚ್ಚುಪಟ್ಠಿತಾ ಚೀವರಪಿಣ್ಡಪಾತಸೇನಾಸನಗಿಲಾನಪಚ್ಚಯಭೇಸಜ್ಜಪರಿಕ್ಖಾರೇಹಿ। ತುಮ್ಹೇಪಿ, ಭಿಕ್ಖವೇ, ಬಹುಕಾರಾ ಬ್ರಾಹ್ಮಣಗಹಪತಿಕಾನಂ ಯಂ 3 ನೇಸಂ ಧಮ್ಮಂ ದೇಸೇಥ ಆದಿಕಲ್ಯಾಣಂ ಮಜ್ಝೇಕಲ್ಯಾಣಂ ಪರಿಯೋಸಾನಕಲ್ಯಾಣಂ ಸಾತ್ಥಂ ಸಬ್ಯಞ್ಜನಂ, ಕೇವಲಪರಿಪುಣ್ಣಂ ಪರಿಸುದ್ಧಂ ಬ್ರಹ್ಮಚರಿಯಂ ಪಕಾಸೇಥ। ಏವಮಿದಂ, ಭಿಕ್ಖವೇ, ಅಞ್ಞಮಞ್ಞಂ ನಿಸ್ಸಾಯ ಬ್ರಹ್ಮಚರಿಯಂ ವುಸ್ಸತಿ ಓಘಸ್ಸ ನಿತ್ಥರಣತ್ಥಾಯ ಸಮ್ಮಾ ದುಕ್ಖಸ್ಸ ಅನ್ತಕಿರಿಯಾಯಾ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Bahukārā 4, bhikkhave, brāhmaṇagahapatikā tumhākaṃ ye vo 5 paccupaṭṭhitā cīvarapiṇḍapātasenāsanagilānapaccayabhesajjaparikkhārehi. Tumhepi, bhikkhave, bahukārā brāhmaṇagahapatikānaṃ yaṃ 6 nesaṃ dhammaṃ desetha ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsetha. Evamidaṃ, bhikkhave, aññamaññaṃ nissāya brahmacariyaṃ vussati oghassa nittharaṇatthāya sammā dukkhassa antakiriyāyā’’ti. Etamatthaṃ bhagavā avoca. Tatthetaṃ iti vuccati –
‘‘ಸಾಗಾರಾ ಅನಗಾರಾ ಚ, ಉಭೋ ಅಞ್ಞೋಞ್ಞನಿಸ್ಸಿತಾ।
‘‘Sāgārā anagārā ca, ubho aññoññanissitā;
ಆರಾಧಯನ್ತಿ ಸದ್ಧಮ್ಮಂ, ಯೋಗಕ್ಖೇಮಂ ಅನುತ್ತರಂ॥
Ārādhayanti saddhammaṃ, yogakkhemaṃ anuttaraṃ.
‘‘ಸಾಗಾರೇಸು ಚ ಚೀವರಂ, ಪಚ್ಚಯಂ ಸಯನಾಸನಂ।
‘‘Sāgāresu ca cīvaraṃ, paccayaṃ sayanāsanaṃ;
ಅನಗಾರಾ ಪಟಿಚ್ಛನ್ತಿ, ಪರಿಸ್ಸಯವಿನೋದನಂ॥
Anagārā paṭicchanti, parissayavinodanaṃ.
ಸದ್ದಹಾನಾ ಅರಹತಂ, ಅರಿಯಪಞ್ಞಾಯ ಝಾಯಿನೋ॥
Saddahānā arahataṃ, ariyapaññāya jhāyino.
‘‘ಇಧ ಧಮ್ಮಂ ಚರಿತ್ವಾನ, ಮಗ್ಗಂ ಸುಗತಿಗಾಮಿನಂ।
‘‘Idha dhammaṃ caritvāna, maggaṃ sugatigāminaṃ;
ನನ್ದಿನೋ ದೇವಲೋಕಸ್ಮಿಂ, ಮೋದನ್ತಿ ಕಾಮಕಾಮಿನೋ’’ತಿ॥
Nandino devalokasmiṃ, modanti kāmakāmino’’ti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ಅಟ್ಠಮಂ।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೮. ಬಹುಕಾರಸುತ್ತವಣ್ಣನಾ • 8. Bahukārasuttavaṇṇanā
