| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. বহুভাণিসুত্তং
4. Bahubhāṇisuttaṃ
২১৪. ‘‘পঞ্চিমে, ভিক্খৰে, আদীনৰা বহুভাণিস্মিং পুগ্গলে। কতমে পঞ্চ? মুসা ভণতি, পিসুণং ভণতি, ফরুসং ভণতি, সম্ফপ্পলাপং ভণতি, কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জতি। ইমে খো, ভিক্খৰে, পঞ্চ আদীনৰা বহুভাণিস্মিং পুগ্গলে।
214. ‘‘Pañcime, bhikkhave, ādīnavā bahubhāṇismiṃ puggale. Katame pañca? Musā bhaṇati, pisuṇaṃ bhaṇati, pharusaṃ bhaṇati, samphappalāpaṃ bhaṇati, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā bahubhāṇismiṃ puggale.
‘‘পঞ্চিমে, ভিক্খৰে, আনিসংসা মন্তভাণিস্মিং পুগ্গলে। কতমে পঞ্চ? ন মুসা ভণতি, ন পিসুণং ভণতি, ন ফরুসং ভণতি, ন সম্ফপ্পলাপং ভণতি, কাযস্স ভেদা পরং মরণা সুগতিং সগ্গং লোকং উপপজ্জতি। ইমে খো, ভিক্খৰে, পঞ্চ আনিসংসা মন্তভাণিস্মিং পুগ্গলে’’তি। চতুত্থং।
‘‘Pañcime, bhikkhave, ānisaṃsā mantabhāṇismiṃ puggale. Katame pañca? Na musā bhaṇati, na pisuṇaṃ bhaṇati, na pharusaṃ bhaṇati, na samphappalāpaṃ bhaṇati, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā mantabhāṇismiṃ puggale’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. বহুভাণিসুত্তৰণ্ণনা • 4. Bahubhāṇisuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩-১০. সীলসুত্তাদিৰণ্ণনা • 3-10. Sīlasuttādivaṇṇanā
