| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༢. བཱཧིརཱནཏྟཱཏཱིཏཱནཱགཏསུཏྟཾ
12. Bāhirānattātītānāgatasuttaṃ
༡༢. ‘‘རཱུཔཱ, བྷིཀྑཝེ, ཨནཏྟཱ ཨཏཱིཏཱནཱགཏཱ; ཀོ པན ཝཱདོ པཙྩུཔྤནྣཱནཾ! ཨེཝཾ པསྶཾ, བྷིཀྑཝེ, སུཏཝཱ ཨརིཡསཱཝཀོ ཨཏཱིཏེསུ རཱུཔེསུ ཨནཔེཀྑོ ཧོཏི; ཨནཱགཏེ རཱུཔེ ནཱབྷིནནྡཏི; པཙྩུཔྤནྣཱནཾ རཱུཔཱནཾ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏི། སདྡཱ… གནྡྷཱ… རསཱ… ཕོཊྛབྦཱ… དྷམྨཱ ཨནཏྟཱ ཨཏཱིཏཱནཱགཏཱ; ཀོ པན ཝཱདོ པཙྩུཔྤནྣཱནཾ! ཨེཝཾ པསྶཾ, བྷིཀྑཝེ , སུཏཝཱ ཨརིཡསཱཝཀོ ཨཏཱིཏེསུ དྷམྨེསུ ཨནཔེཀྑོ ཧོཏི; ཨནཱགཏེ དྷམྨེ ནཱབྷིནནྡཏི; པཙྩུཔྤནྣཱནཾ དྷམྨཱནཾ ནིབྦིདཱཡ ཝིརཱགཱཡ ནིརོདྷཱཡ པཊིཔནྣོ ཧོཏཱི’’ཏི། དྭཱདསམཾ།
12. ‘‘Rūpā, bhikkhave, anattā atītānāgatā; ko pana vādo paccuppannānaṃ! Evaṃ passaṃ, bhikkhave, sutavā ariyasāvako atītesu rūpesu anapekkho hoti; anāgate rūpe nābhinandati; paccuppannānaṃ rūpānaṃ nibbidāya virāgāya nirodhāya paṭipanno hoti. Saddā… gandhā… rasā… phoṭṭhabbā… dhammā anattā atītānāgatā; ko pana vādo paccuppannānaṃ! Evaṃ passaṃ, bhikkhave , sutavā ariyasāvako atītesu dhammesu anapekkho hoti; anāgate dhamme nābhinandati; paccuppannānaṃ dhammānaṃ nibbidāya virāgāya nirodhāya paṭipanno hotī’’ti. Dvādasamaṃ.
ཨནིཙྩཝགྒོ པཋམོ།
Aniccavaggo paṭhamo.
ཏསྶུདྡཱནཾ –
Tassuddānaṃ –
ཨནིཙྩཾ དུཀྑཾ ཨནཏྟཱ ཙ, ཏཡོ ཨཛ྄ཛྷཏྟབཱཧིརཱ།
Aniccaṃ dukkhaṃ anattā ca, tayo ajjhattabāhirā;
ཡདནིཙྩེན ཏཡོ ཝུཏྟཱ, ཏེ ཏེ ཨཛ྄ཛྷཏྟབཱཧིརཱཏི༎
Yadaniccena tayo vuttā, te te ajjhattabāhirāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧-༡༢. ཨཛ྄ཛྷཏྟཱནིཙྩཱཏཱིཏཱནཱགཏསུཏྟཱདིཝཎྞནཱ • 7-12. Ajjhattāniccātītānāgatasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧-༡༢. ཨཛ྄ཛྷཏྟཱནིཙྩཱཏཱིཏཱནཱགཏསུཏྟཱདིཝཎྞནཱ • 7-12. Ajjhattāniccātītānāgatasuttādivaṇṇanā
