| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૨. બાહિરાનત્તાતીતાનાગતસુત્તં
12. Bāhirānattātītānāgatasuttaṃ
૧૨. ‘‘રૂપા, ભિક્ખવે, અનત્તા અતીતાનાગતા; કો પન વાદો પચ્ચુપ્પન્નાનં! એવં પસ્સં, ભિક્ખવે, સુતવા અરિયસાવકો અતીતેસુ રૂપેસુ અનપેક્ખો હોતિ; અનાગતે રૂપે નાભિનન્દતિ; પચ્ચુપ્પન્નાનં રૂપાનં નિબ્બિદાય વિરાગાય નિરોધાય પટિપન્નો હોતિ. સદ્દા… ગન્ધા… રસા… ફોટ્ઠબ્બા… ધમ્મા અનત્તા અતીતાનાગતા; કો પન વાદો પચ્ચુપ્પન્નાનં! એવં પસ્સં, ભિક્ખવે , સુતવા અરિયસાવકો અતીતેસુ ધમ્મેસુ અનપેક્ખો હોતિ; અનાગતે ધમ્મે નાભિનન્દતિ; પચ્ચુપ્પન્નાનં ધમ્માનં નિબ્બિદાય વિરાગાય નિરોધાય પટિપન્નો હોતી’’તિ. દ્વાદસમં.
12. ‘‘Rūpā, bhikkhave, anattā atītānāgatā; ko pana vādo paccuppannānaṃ! Evaṃ passaṃ, bhikkhave, sutavā ariyasāvako atītesu rūpesu anapekkho hoti; anāgate rūpe nābhinandati; paccuppannānaṃ rūpānaṃ nibbidāya virāgāya nirodhāya paṭipanno hoti. Saddā… gandhā… rasā… phoṭṭhabbā… dhammā anattā atītānāgatā; ko pana vādo paccuppannānaṃ! Evaṃ passaṃ, bhikkhave , sutavā ariyasāvako atītesu dhammesu anapekkho hoti; anāgate dhamme nābhinandati; paccuppannānaṃ dhammānaṃ nibbidāya virāgāya nirodhāya paṭipanno hotī’’ti. Dvādasamaṃ.
અનિચ્ચવગ્ગો પઠમો.
Aniccavaggo paṭhamo.
તસ્સુદ્દાનં –
Tassuddānaṃ –
અનિચ્ચં દુક્ખં અનત્તા ચ, તયો અજ્ઝત્તબાહિરા;
Aniccaṃ dukkhaṃ anattā ca, tayo ajjhattabāhirā;
યદનિચ્ચેન તયો વુત્તા, તે તે અજ્ઝત્તબાહિરાતિ.
Yadaniccena tayo vuttā, te te ajjhattabāhirāti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭-૧૨. અજ્ઝત્તાનિચ્ચાતીતાનાગતસુત્તાદિવણ્ણના • 7-12. Ajjhattāniccātītānāgatasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭-૧૨. અજ્ઝત્તાનિચ્ચાતીતાનાગતસુત્તાદિવણ્ણના • 7-12. Ajjhattāniccātītānāgatasuttādivaṇṇanā
