| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১২. বাহিরানত্তাতীতানাগতসুত্তং
12. Bāhirānattātītānāgatasuttaṃ
১২. ‘‘রূপা, ভিক্খৰে, অনত্তা অতীতানাগতা; কো পন ৰাদো পচ্চুপ্পন্নানং! এৰং পস্সং, ভিক্খৰে, সুতৰা অরিযসাৰকো অতীতেসু রূপেসু অনপেক্খো হোতি; অনাগতে রূপে নাভিনন্দতি; পচ্চুপ্পন্নানং রূপানং নিব্বিদায ৰিরাগায নিরোধায পটিপন্নো হোতি। সদ্দা… গন্ধা… রসা… ফোট্ঠব্বা… ধম্মা অনত্তা অতীতানাগতা; কো পন ৰাদো পচ্চুপ্পন্নানং! এৰং পস্সং, ভিক্খৰে , সুতৰা অরিযসাৰকো অতীতেসু ধম্মেসু অনপেক্খো হোতি; অনাগতে ধম্মে নাভিনন্দতি; পচ্চুপ্পন্নানং ধম্মানং নিব্বিদায ৰিরাগায নিরোধায পটিপন্নো হোতী’’তি। দ্ৰাদসমং।
12. ‘‘Rūpā, bhikkhave, anattā atītānāgatā; ko pana vādo paccuppannānaṃ! Evaṃ passaṃ, bhikkhave, sutavā ariyasāvako atītesu rūpesu anapekkho hoti; anāgate rūpe nābhinandati; paccuppannānaṃ rūpānaṃ nibbidāya virāgāya nirodhāya paṭipanno hoti. Saddā… gandhā… rasā… phoṭṭhabbā… dhammā anattā atītānāgatā; ko pana vādo paccuppannānaṃ! Evaṃ passaṃ, bhikkhave , sutavā ariyasāvako atītesu dhammesu anapekkho hoti; anāgate dhamme nābhinandati; paccuppannānaṃ dhammānaṃ nibbidāya virāgāya nirodhāya paṭipanno hotī’’ti. Dvādasamaṃ.
অনিচ্চৰগ্গো পঠমো।
Aniccavaggo paṭhamo.
তস্সুদ্দানং –
Tassuddānaṃ –
অনিচ্চং দুক্খং অনত্তা চ, তযো অজ্ঝত্তবাহিরা।
Aniccaṃ dukkhaṃ anattā ca, tayo ajjhattabāhirā;
যদনিচ্চেন তযো ৰুত্তা, তে তে অজ্ঝত্তবাহিরাতি॥
Yadaniccena tayo vuttā, te te ajjhattabāhirāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭-১২. অজ্ঝত্তানিচ্চাতীতানাগতসুত্তাদিৰণ্ণনা • 7-12. Ajjhattāniccātītānāgatasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭-১২. অজ্ঝত্তানিচ্চাতীতানাগতসুত্তাদিৰণ্ণনা • 7-12. Ajjhattāniccātītānāgatasuttādivaṇṇanā
