| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೨. ಬಾಹಿರಾನತ್ತಹೇತುಸುತ್ತಂ
12. Bāhirānattahetusuttaṃ
೧೪೫. ‘‘ರೂಪಾ , ಭಿಕ್ಖವೇ, ಅನತ್ತಾ। ಯೋಪಿ ಹೇತು, ಯೋಪಿ ಪಚ್ಚಯೋ ರೂಪಾನಂ ಉಪ್ಪಾದಾಯ, ಸೋಪಿ ಅನತ್ತಾ। ಅನತ್ತಸಮ್ಭೂತಾ, ಭಿಕ್ಖವೇ, ರೂಪಾ ಕುತೋ ಅತ್ತಾ ಭವಿಸ್ಸನ್ತಿ! ಸದ್ದಾ… ಗನ್ಧಾ… ರಸಾ… ಫೋಟ್ಠಬ್ಬಾ… ಧಮ್ಮಾ ಅನತ್ತಾ। ಯೋಪಿ ಹೇತು, ಯೋಪಿ ಪಚ್ಚಯೋ ಧಮ್ಮಾನಂ ಉಪ್ಪಾದಾಯ, ಸೋಪಿ ಅನತ್ತಾ। ಅನತ್ತಸಮ್ಭೂತಾ, ಭಿಕ್ಖವೇ, ಧಮ್ಮಾ ಕುತೋ ಅತ್ತಾ ಭವಿಸ್ಸನ್ತಿ! ಏವಂ ಪಸ್ಸಂ , ಭಿಕ್ಖವೇ, ಸುತವಾ ಅರಿಯಸಾವಕೋ ರೂಪೇಸುಪಿ ನಿಬ್ಬಿನ್ದತಿ, ಸದ್ದೇಸುಪಿ… ಗನ್ಧೇಸುಪಿ… ರಸೇಸುಪಿ… ಫೋಟ್ಠಬ್ಬೇಸುಪಿ… ಧಮ್ಮೇಸುಪಿ ನಿಬ್ಬಿನ್ದತಿ। ನಿಬ್ಬಿನ್ದಂ ವಿರಜ್ಜತಿ; ವಿರಾಗಾ ವಿಮುಚ್ಚತಿ; ವಿಮುತ್ತಸ್ಮಿಂ ವಿಮುತ್ತಮಿತಿ ಞಾಣಂ ಹೋತಿ। ‘ಖೀಣಾ ಜಾತಿ, ವುಸಿತಂ ಬ್ರಹ್ಮಚರಿಯಂ, ಕತಂ ಕರಣೀಯಂ, ನಾಪರಂ ಇತ್ಥತ್ತಾಯಾ’ತಿ ಪಜಾನಾತೀ’’ತಿ। ದ್ವಾದಸಮಂ।
145. ‘‘Rūpā , bhikkhave, anattā. Yopi hetu, yopi paccayo rūpānaṃ uppādāya, sopi anattā. Anattasambhūtā, bhikkhave, rūpā kuto attā bhavissanti! Saddā… gandhā… rasā… phoṭṭhabbā… dhammā anattā. Yopi hetu, yopi paccayo dhammānaṃ uppādāya, sopi anattā. Anattasambhūtā, bhikkhave, dhammā kuto attā bhavissanti! Evaṃ passaṃ , bhikkhave, sutavā ariyasāvako rūpesupi nibbindati, saddesupi… gandhesupi… rasesupi… phoṭṭhabbesupi… dhammesupi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Dvādasamaṃ.
ದೇವದಹವಗ್ಗೋ ಚುದ್ದಸಮೋ।
Devadahavaggo cuddasamo.
ತಸ್ಸುದ್ದಾನಂ –
Tassuddānaṃ –
ದೇವದಹೋ ಖಣೋ ರೂಪಾ, ದ್ವೇ ನತುಮ್ಹಾಕಮೇವ ಚ।
Devadaho khaṇo rūpā, dve natumhākameva ca;
ಹೇತುನಾಪಿ ತಯೋ ವುತ್ತಾ, ದುವೇ ಅಜ್ಝತ್ತಬಾಹಿರಾತಿ॥
Hetunāpi tayo vuttā, duve ajjhattabāhirāti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪-೧೨. ದುತಿಯರೂಪಾರಾಮಸುತ್ತಾದಿವಣ್ಣನಾ • 4-12. Dutiyarūpārāmasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೪-೧೨. ದುತಿಯರೂಪಾರಾಮಸುತ್ತಾದಿವಣ್ಣನಾ • 4-12. Dutiyarūpārāmasuttādivaṇṇanā
