| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. б̣аахираанад̇д̇ахзд̇усуд̇д̇ам̣
12. Bāhirānattahetusuttaṃ
145. ‘‘руубаа , бхигкавз, анад̇д̇аа. яоби хзд̇у, яоби бажжаяо руубаанам̣ уббаад̣̇ааяа, соби анад̇д̇аа. анад̇д̇асамбхууд̇аа, бхигкавз, руубаа гуд̇о ад̇д̇аа бхависсанд̇и! сад̣̇д̣̇аа… г̇анд̇хаа… расаа… подтаб̣б̣аа… д̇хаммаа анад̇д̇аа. яоби хзд̇у, яоби бажжаяо д̇хаммаанам̣ уббаад̣̇ааяа, соби анад̇д̇аа. анад̇д̇асамбхууд̇аа, бхигкавз, д̇хаммаа гуд̇о ад̇д̇аа бхависсанд̇и! звам̣ бассам̣ , бхигкавз, суд̇аваа арияасааваго руубзсуби ниб̣б̣инд̣̇ад̇и, сад̣̇д̣̇зсуби… г̇анд̇хзсуби… расзсуби… подтаб̣б̣зсуби… д̇хаммзсуби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. д̣̇ваад̣̇асамам̣.
145. ‘‘Rūpā , bhikkhave, anattā. Yopi hetu, yopi paccayo rūpānaṃ uppādāya, sopi anattā. Anattasambhūtā, bhikkhave, rūpā kuto attā bhavissanti! Saddā… gandhā… rasā… phoṭṭhabbā… dhammā anattā. Yopi hetu, yopi paccayo dhammānaṃ uppādāya, sopi anattā. Anattasambhūtā, bhikkhave, dhammā kuto attā bhavissanti! Evaṃ passaṃ , bhikkhave, sutavā ariyasāvako rūpesupi nibbindati, saddesupi… gandhesupi… rasesupi… phoṭṭhabbesupi… dhammesupi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Dvādasamaṃ.
д̣̇звад̣̇ахаваг̇г̇о жуд̣̇д̣̇асамо.
Devadahavaggo cuddasamo.
д̇ассуд̣̇д̣̇аанам̣ –
Tassuddānaṃ –
д̣̇звад̣̇ахо кан̣о руубаа, д̣̇вз над̇умхаагамзва жа;
Devadaho khaṇo rūpā, dve natumhākameva ca;
хзд̇унааби д̇аяо вуд̇д̇аа, д̣̇увз аж̇жхад̇д̇аб̣аахираад̇и.
Hetunāpi tayo vuttā, duve ajjhattabāhirāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-12. д̣̇уд̇ияаруубаараамасуд̇д̇аад̣̇иван̣н̣анаа • 4-12. Dutiyarūpārāmasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-12. д̣̇уд̇ияаруубаараамасуд̇д̇аад̣̇иван̣н̣анаа • 4-12. Dutiyarūpārāmasuttādivaṇṇanā
