| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. བཱཧིརནནྡིཀྑཡསུཏྟཾ
2. Bāhiranandikkhayasuttaṃ
༡༥༧. ‘‘ཨནིཙྩེཡེཝ, བྷིཀྑཝེ, བྷིཀྑུ རཱུཔེ ཨནིཙྩཱཏི པསྶཏི, སཱསྶ ཧོཏི སམྨཱདིཊྛི། སམྨཱ པསྶཾ ནིབྦིནྡཏི། ནནྡིཀྑཡཱ རཱགཀྑཡོ; རཱགཀྑཡཱ ནནྡིཀྑཡོ ། ནནྡིརཱགཀྑཡཱ ཙིཏྟཾ སུཝིམུཏྟནྟི ཝུཙྩཏི། ཨནིཙྩེཡེཝ, བྷིཀྑཝེ, བྷིཀྑུ སདྡེ… གནྡྷེ… རསེ… ཕོཊྛབྦེ… དྷམྨེ ཨནིཙྩཱཏི པསྶཏི, སཱསྶ ཧོཏི སམྨཱདིཊྛི། སམྨཱ པསྶཾ ནིབྦིནྡཏི། ནནྡིཀྑཡཱ རཱགཀྑཡོ; རཱགཀྑཡཱ ནནྡིཀྑཡོ། ནནྡིརཱགཀྑཡཱ ཙིཏྟཾ སུཝིམུཏྟནྟི ཝུཙྩཏཱི’’ཏི། དུཏིཡཾ།
157. ‘‘Anicceyeva, bhikkhave, bhikkhu rūpe aniccāti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo . Nandirāgakkhayā cittaṃ suvimuttanti vuccati. Anicceyeva, bhikkhave, bhikkhu sadde… gandhe… rase… phoṭṭhabbe… dhamme aniccāti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༤. ཨཛ྄ཛྷཏྟནནྡིཀྑཡསུཏྟཱདིཝཎྞནཱ • 1-4. Ajjhattanandikkhayasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༤. ཨཛ྄ཛྷཏྟནནྡིཀྑཡསུཏྟཱདིཝཎྞནཱ • 1-4. Ajjhattanandikkhayasuttādivaṇṇanā
