| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౨. బాహిరనన్దిక్ఖయసుత్తం
2. Bāhiranandikkhayasuttaṃ
౧౫౭. ‘‘అనిచ్చేయేవ, భిక్ఖవే, భిక్ఖు రూపే అనిచ్చాతి పస్సతి, సాస్స హోతి సమ్మాదిట్ఠి. సమ్మా పస్సం నిబ్బిన్దతి. నన్దిక్ఖయా రాగక్ఖయో; రాగక్ఖయా నన్దిక్ఖయో . నన్దిరాగక్ఖయా చిత్తం సువిముత్తన్తి వుచ్చతి. అనిచ్చేయేవ, భిక్ఖవే, భిక్ఖు సద్దే… గన్ధే… రసే… ఫోట్ఠబ్బే… ధమ్మే అనిచ్చాతి పస్సతి, సాస్స హోతి సమ్మాదిట్ఠి. సమ్మా పస్సం నిబ్బిన్దతి. నన్దిక్ఖయా రాగక్ఖయో; రాగక్ఖయా నన్దిక్ఖయో. నన్దిరాగక్ఖయా చిత్తం సువిముత్తన్తి వుచ్చతీ’’తి. దుతియం.
157. ‘‘Anicceyeva, bhikkhave, bhikkhu rūpe aniccāti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo . Nandirāgakkhayā cittaṃ suvimuttanti vuccati. Anicceyeva, bhikkhave, bhikkhu sadde… gandhe… rase… phoṭṭhabbe… dhamme aniccāti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Dutiyaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧-౪. అజ్ఝత్తనన్దిక్ఖయసుత్తాదివణ్ణనా • 1-4. Ajjhattanandikkhayasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧-౪. అజ్ఝత్తనన్దిక్ఖయసుత్తాదివణ్ణనా • 1-4. Ajjhattanandikkhayasuttādivaṇṇanā
