| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༢. ཨཡྻིཀཱསུཏྟཝཎྞནཱ
2. Ayyikāsuttavaṇṇanā
༡༣༣. དུཏིཡེ ཛིཎྞཱཏི ཛརཱཛིཎྞཱ། ཝུཌྜྷཱཏི ཝཡོཝུཌྜྷཱ། མཧལླིཀཱཏི ཛཱཏིམཧལླིཀཱ། ཨདྡྷགཏཱཏི ཨདྡྷཾ ཙིརཀཱལཾ ཨཏིཀྐནྟཱ། ཝཡོཨནུཔྤཏྟཱཏི པཙྪིམཝཡཾ སམྤཏྟཱ། པིཡཱ མནཱཔཱཏི རཉྙོ ཀིར མཱཏརི མཏཱཡ ཨཡྻིཀཱ མཱཏུཊྛཱནེ ཋཏྭཱ པཊིཛགྒི, ཏེནསྶ ཨཡྻིཀཱཡ བལཝཔེམཾ ཨུཔྤཛྫི། ཏསྨཱ ཨེཝམཱཧ། ཧཏྠིརཏནེནཱཏི སཏསཧསྶགྒྷནཀོ ཧཏྠཱི སཏསཧསྶགྒྷནཀེན ཨལངྐཱརེན ཨལངྐཏོ ཧཏྠིརཏནཾ ནཱམ། ཨསྶརཏནེཔི ཨེསེཝ ནཡོ། གཱམཝརོཔི སཏསཧསྶུཊྛཱནཀགཱམོཝ། སབྦཱནི ཏཱནི བྷེདནདྷམྨཱནཱིཏི ཏེསུ ཧི ཀིཉྩི ཀརིཡམཱནམེཝ བྷིཛྫཏི, ཀིཉྩི ཀཏཔརིཡོསིཏཾ ཙཀྐཏོ ཨནཔནཱིཏམེཝ, ཀིཉྩི ཨཔནེཏྭཱ བྷཱུམིཡཾ ཋཔིཏམཏྟཾ, ཀིཉྩི ཏཏོ པརཾ, ཨེཝམེཝ སཏྟེསུཔི ཀོཙི པཊིསནྡྷིཾ གཧེཏྭཱ མརཏི, ཀོཙི མཱུལ༹ྷགབྦྷཱཡ མཱཏརི མཱཏུཀུཙྪིཏོ ཨནིཀྑནྟོཝ, ཀོཙི ནིཀྑནྟམཏྟོ, ཀོཙི ཏཏོ པརནྟི། ཏསྨཱ ཨེཝམཱཧ། དུཏིཡཾ།
133. Dutiye jiṇṇāti jarājiṇṇā. Vuḍḍhāti vayovuḍḍhā. Mahallikāti jātimahallikā. Addhagatāti addhaṃ cirakālaṃ atikkantā. Vayoanuppattāti pacchimavayaṃ sampattā. Piyā manāpāti rañño kira mātari matāya ayyikā mātuṭṭhāne ṭhatvā paṭijaggi, tenassa ayyikāya balavapemaṃ uppajji. Tasmā evamāha. Hatthiratanenāti satasahassagghanako hatthī satasahassagghanakena alaṅkārena alaṅkato hatthiratanaṃ nāma. Assaratanepi eseva nayo. Gāmavaropi satasahassuṭṭhānakagāmova. Sabbāni tāni bhedanadhammānīti tesu hi kiñci kariyamānameva bhijjati, kiñci katapariyositaṃ cakkato anapanītameva, kiñci apanetvā bhūmiyaṃ ṭhapitamattaṃ, kiñci tato paraṃ, evameva sattesupi koci paṭisandhiṃ gahetvā marati, koci mūḷhagabbhāya mātari mātukucchito anikkhantova, koci nikkhantamatto, koci tato paranti. Tasmā evamāha. Dutiyaṃ.
༡༣༤. ཏཏིཡེ སབྦཾ ཨུཏྟཱནམེཝ། ཏཏིཡཾ།
134. Tatiye sabbaṃ uttānameva. Tatiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༢. ཨཡྻིཀཱསུཏྟཾ • 2. Ayyikāsuttaṃ
༣. ལོཀསུཏྟཾ • 3. Lokasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. ཨཡྻིཀཱསུཏྟཝཎྞནཱ • 2. Ayyikāsuttavaṇṇanā
