| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૨. અય્યિકાસુત્તવણ્ણના
2. Ayyikāsuttavaṇṇanā
૧૩૩. જરાજિણ્ણાતિ જરાય જિણ્ણા. તેન પાકટજરાય મત્થકપ્પત્તિમાહ. વયોવુડ્ઢાતિ વયસા વુડ્ઢા. તેન પચ્છિમવયસ્સ ઓસક્કસમ્પવત્તિં વદતિ. જાતિમહલ્લિકાતિ જાતિમહત્તગતા. ચિરકાલં અતિક્કન્તાતિ દ્વે તયો રાજપરિવટ્ટે વીતિવત્તા. વયો-સદ્દો સાધારણવચનોપિ જિણ્ણસદ્દસન્નિધાનતો ઓસાનવયં એવ વદતીતિ આહ ‘‘પચ્છિમવયં સમ્પત્તા’’તિ. અય્યિકાતિ માતામહિં સન્ધાય વદતિ. હત્થી એવ રતનભૂતો હત્થિરતનન્તિ આહ ‘‘સતસહસ્સગ્ઘનકેના’’તિઆદિ. સબ્બાનિ તાનીતિ કુમ્ભકારભાજનાનિ, તેહિ સદ્ધિં સત્તસન્તાનસ્સ પમાણં દસ્સેન્તો ‘‘તેસુ હી’’તિઆદિમાહ, તં સુવિઞ્ઞેય્યમેવ.
133.Jarājiṇṇāti jarāya jiṇṇā. Tena pākaṭajarāya matthakappattimāha. Vayovuḍḍhāti vayasā vuḍḍhā. Tena pacchimavayassa osakkasampavattiṃ vadati. Jātimahallikāti jātimahattagatā. Cirakālaṃ atikkantāti dve tayo rājaparivaṭṭe vītivattā. Vayo-saddo sādhāraṇavacanopi jiṇṇasaddasannidhānato osānavayaṃ eva vadatīti āha ‘‘pacchimavayaṃ sampattā’’ti. Ayyikāti mātāmahiṃ sandhāya vadati. Hatthī eva ratanabhūto hatthiratananti āha ‘‘satasahassagghanakenā’’tiādi. Sabbāni tānīti kumbhakārabhājanāni, tehi saddhiṃ sattasantānassa pamāṇaṃ dassento ‘‘tesu hī’’tiādimāha, taṃ suviññeyyameva.
અય્યિકાસુત્તવણ્ણના નિટ્ઠિતા.
Ayyikāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. અય્યિકાસુત્તં • 2. Ayyikāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨. અય્યિકાસુત્તવણ્ણના • 2. Ayyikāsuttavaṇṇanā
