| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੧੨) ੨. ਆਯਾਚਨવਗ੍ਗવਣ੍ਣਨਾ
(12) 2. Āyācanavaggavaṇṇanā
੧੩੧. ਸਦ੍ਧੋ ਭਿਕ੍ਖੂਤਿ ਸਦ੍ਧਾਯ ਸਮਨ੍ਨਾਗਤੋ ਭਿਕ੍ਖੁ। ਯੋ ਭਿਕ੍ਖੁ ਸਾਰਿਪੁਤ੍ਤਮੋਗ੍ਗਲ੍ਲਾਨੇਹਿ ਸਦਿਸਭਾવਂ ਪਤ੍ਥੇਤਿ, ਸੋ ਯੇਹਿ ਗੁਣੇਹਿ ਸਾਰਿਪੁਤ੍ਤਮੋਗ੍ਗਲ੍ਲਾਨਾ ਏਤਦਗ੍ਗੇ ਠਪਿਤਾ, ਤੇ ਗੁਣੇ ਅਤ੍ਤਨੋ ਅਭਿਕਙ੍ਖੇਯ੍ਯਾਤਿ ਆਹ ‘‘ਯਾਦਿਸੋ ਸਾਰਿਪੁਤ੍ਤਤ੍ਥੇਰੋ ਪਞ੍ਞਾਯਾ’’ਤਿਆਦਿ। ਇਤੋ ਉਤ੍ਤਰਿ ਪਤ੍ਥੇਨ੍ਤੋ ਮਿਚ੍ਛਾ ਪਤ੍ਥੇਯ੍ਯਾਤਿ ਸਾਰਿਪੁਤ੍ਤਮੋਗ੍ਗਲ੍ਲਾਨਾਨਂ ਯੇ ਪਞ੍ਞਾਦਯੋ ਗੁਣਾ ਉਪਲਬ੍ਭਨ੍ਤਿ, ਤਤੋ ਉਤ੍ਤਰਿ ਪਤ੍ਥੇਨ੍ਤੋ ਮਿਚ੍ਛਾ ਪਤ੍ਥੇਯ੍ਯ। ਅਗ੍ਗਸਾવਕਗੁਣਪਰਮਾ ਹਿ ਸਾવਕਗੁਣਮਰਿਯਾਦਾ। ਤੇਸਂ ਸਾવਕਗੁਣਾਨਂ ਯਦਿਦਂ ਅਗ੍ਗਸਾવਕਗੁਣਾ, ਨ ਤਤੋ ਪਰਂ ਸਾવਕਗੁਣਾ ਨਾਮ ਅਤ੍ਥਿ। ਤੇਨੇવਾਹ ‘‘ਯਂ ਨਤ੍ਥਿ, ਤਸ੍ਸ ਪਤ੍ਥਿਤਤ੍ਤਾ’’ਤਿ। ਸੇਸਮੇਤ੍ਥ ਉਤ੍ਤਾਨਮੇવ।
131.Saddho bhikkhūti saddhāya samannāgato bhikkhu. Yo bhikkhu sāriputtamoggallānehi sadisabhāvaṃ pattheti, so yehi guṇehi sāriputtamoggallānā etadagge ṭhapitā, te guṇe attano abhikaṅkheyyāti āha ‘‘yādiso sāriputtatthero paññāyā’’tiādi. Ito uttari patthento micchā pattheyyāti sāriputtamoggallānānaṃ ye paññādayo guṇā upalabbhanti, tato uttari patthento micchā pattheyya. Aggasāvakaguṇaparamā hi sāvakaguṇamariyādā. Tesaṃ sāvakaguṇānaṃ yadidaṃ aggasāvakaguṇā, na tato paraṃ sāvakaguṇā nāma atthi. Tenevāha ‘‘yaṃ natthi, tassa patthitattā’’ti. Sesamettha uttānameva.
੧੩੫. ਪਞ੍ਚਮੇ ਯਸ੍ਸ ਗੁਣਾ ਖਤਾ ਉਪਹਤਾ ਚ, ਸੋ ਖਤੋ ਉਪਹਤੋ ਨਾਮ ਹੋਤੀਤਿ ਆਹ ‘‘ਗੁਣਾਨਂ ਖਤਤ੍ਤਾ’’ਤਿਆਦਿ। ਖਤਤ੍ਤਾਤਿ ਛਿਨ੍ਨਤ੍ਤਾ। ਉਪਹਤਤ੍ਤਾਤਿ ਨਟ੍ਠਤ੍ਤਾ। ਤੇਨਾਹ ‘‘ਛਿਨ੍ਨਗੁਣਂ ਨਟ੍ਠਗੁਣਨ੍ਤਿ ਅਤ੍ਥੋ’’ਤਿ। ਅਪੁਞ੍ਞਸ੍ਸ ਪਸવੋ ਨਾਮ ਅਤ੍ਥਤੋ ਪਟਿਲਾਭੋਤਿ ਆਹ ‘‘ਪਸવਤੀਤਿ ਪਟਿਲਭਤੀ’’ਤਿ, ਅਤ੍ਤਨੋ ਸਨ੍ਤਾਨੇ ਉਪ੍ਪਾਦੇਤੀਤਿ ਅਤ੍ਥੋ। ਅਨਨੁਪવਿਸਿਤ੍વਾਤਿ ਞਾਣੇਨ ਅਨੋਗਾਹੇਤ੍વਾ। ਸੇਸਮੇਤ੍ਥ ਛਟ੍ਠਾਦੀਨਿ ਚ ਸੁવਿਞ੍ਞੇਯ੍ਯਾਨੇવ।
135. Pañcame yassa guṇā khatā upahatā ca, so khato upahato nāma hotīti āha ‘‘guṇānaṃ khatattā’’tiādi. Khatattāti chinnattā. Upahatattāti naṭṭhattā. Tenāha ‘‘chinnaguṇaṃ naṭṭhaguṇantiattho’’ti. Apuññassa pasavo nāma atthato paṭilābhoti āha ‘‘pasavatīti paṭilabhatī’’ti, attano santāne uppādetīti attho. Ananupavisitvāti ñāṇena anogāhetvā. Sesamettha chaṭṭhādīni ca suviññeyyāneva.
ਆਯਾਚਨવਗ੍ਗવਣ੍ਣਨਾ ਨਿਟ੍ਠਿਤਾ।
Āyācanavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / (੧੨) ੨. ਆਯਾਚਨવਗ੍ਗੋ • (12) 2. Āyācanavaggo
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / (੧੨) ੨. ਆਯਾਚਨવਗ੍ਗવਣ੍ਣਨਾ • (12) 2. Āyācanavaggavaṇṇanā
