| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༦༠. ཨཱཝུདྷཔཱཎིསིཀྑཱཔདཝཎྞནཱ
60. Āvudhapāṇisikkhāpadavaṇṇanā
སབྦཱཔི དྷནུཝིཀཏཱིཏི ཙཱཔཀོདཎྜཱདིབྷེདཱ སབྦཱཔི དྷནུཝིཀཏི། ཙཱཔོཏི (སཱརཏྠ॰ ཊཱི॰ པཱཙིཏྟིཡ ༣.༦༣༧) མཛ྄ཛྷེ ཝངྐཱ ཀཱཛདཎྜསདིསཱ དྷནུཝིཀཏི། ཀོདཎྜོཏི ཝཊྚལདཎྜཱ དྷནུཝིཀཏི། པཊིམུཀྐནྟི པཝེསིཏཾ ལགྒིཏཾ། ཡཱཝ ན གཎྷཱཏཱིཏི ཡཱཝ ཧཏྠེན ན གཎྷཱཏི, ཨཡམེཝ ཝཱ པཱཋོ། ཏཱཝ ཝཊྚཏཱིཏི ཏཱཝ དྷམྨཾ དེསེཏུཾ ཝཊྚཏི།
Sabbāpi dhanuvikatīti cāpakodaṇḍādibhedā sabbāpi dhanuvikati. Cāpoti (sārattha. ṭī. pācittiya 3.637) majjhe vaṅkā kājadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ. Yāva na gaṇhātīti yāva hatthena na gaṇhāti, ayameva vā pāṭho. Tāva vaṭṭatīti tāva dhammaṃ desetuṃ vaṭṭati.
ཨཱཝུདྷཔཱཎིསིཀྑཱཔདཝཎྞནཱ ནིཊྛིཏཱ།
Āvudhapāṇisikkhāpadavaṇṇanā niṭṭhitā.
