| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
авиббаваасасиймаануж̇аананагат̇ааван̣н̣анаа
Avippavāsasīmānujānanakathāvaṇṇanā
143-4. ‘‘манамхи вуул̣хо’’д̇и ваа баато. д̇ад̇т̇а манамхи вуул̣ход̇и манам̣ вуул̣хо амхийд̇и ад̇т̇о. табзд̇ваа г̇ааман̃жа г̇аамуубажааран̃жаад̇и анд̇арагхарасан̇каад̇ам̣ г̇ааман̃жа г̇аамуубажааран̃жа табзд̇ваа. гзжи ‘‘баригкид̇д̇ам̣ г̇аамам̣ санд̇хааяа ‘г̇аама’нд̇и вуд̇д̇ам̣, абаригкид̇д̇ам̣ санд̇хааяа ‘г̇аамуубажаара’’нд̇и вад̣̇анд̇и, д̇ам̣ бана адтагат̇ааяа вируж̇жхад̇и. д̇асмаа нивзсанаражчаад̣̇аяо санд̇хааяа г̇аамам̣, баригкзбаарахадтаанаани санд̇хааяа ‘‘г̇аамуубажаара’’нд̇и жа вуд̇д̇ам̣. зд̇т̇а бана анзгад̇хаа батанд̇и. гим̣ д̇зна, баал̣ин̃жа адтагат̇ан̃жа судту убабаригкид̇ваа яат̇аа самзнд̇и, д̇ат̇аа г̇ахзд̇аб̣б̣ам̣. бхигкуунам̣ буримагаммаваажаа на ваддад̇ийд̇и г̇аамаг̇аамуубажаарз анд̇огад̇ваа самаанасам̣ваасагасиймааяа саммад̇ааяа убари авиббаваасасиймаасаммуд̇ияам̣ яуж̇ж̇ад̇и. яад̇т̇а бана гзвалам̣ аран̃н̃ам̣язва саммад̇ам̣, д̇ад̇т̇а гат̇ам̣ на ваддад̇ийд̇и. д̇ад̇т̇а ‘‘табзд̇ваа г̇ааман̃жа г̇аамуубажааран̃жаа’’д̇и важанам̣ на саад̇т̇аганд̇и жз? вужжад̇з – звамзд̇ам̣, гинд̇у ануссааванахааниббасан̇г̇ад̇о д̇ам̣ важанам̣ вад̇д̇аб̣б̣амзваад̇и иминаава ад̇хиббааязна ‘‘буримагаммаваажаа на ваддад̇ий’’д̇и вуд̇д̇ам̣ сияаа. згасмим̣ ваа ад̇т̇з гаммаваажаад̣̇ваяааабхаавад̇од̇и вуд̇д̇ам̣. ‘‘на хи д̇з ан̃н̃аман̃н̃асса гаммз г̇ан̣абуурагаа хонд̇ий’’д̇и вуд̇д̇ад̇д̇аа убхиннам̣ наанаасам̣ваасагасан̇гхаанамби аяамзва вид̇хи аабаж̇ж̇зяяаад̇и жз? наабаж̇ж̇ад̇и бадиг̇г̇ахасаннид̇хийнам̣ анун̃н̃аад̇ад̇д̇аа, омасанаад̣̇ибажжаяаа ависзсад̇о, гаммабадиббассад̣̇д̇химад̇д̇аабзгкад̇ааяа жа. д̇ассаад̇и бхигкунисан̇гхасса. на гаммаваажам̣ ваг̇г̇ам̣ гаронд̇ийд̇и гаммам̣ на гобзнд̇ийд̇и ад̇т̇о. зд̇т̇аад̇и табзд̇ваа г̇ааманд̇и зд̇т̇а. ‘‘яад̣̇и бхигкуунам̣ авиббаваасасиймаа г̇ааман̃жа г̇аамуубажааран̃жа на од̇арад̇и, ат̇а гасмаа г̇аамз сиймааб̣анд̇ханагаалз авиббаваасам̣ самманнанд̇ийд̇и жз? аажин̣н̣агаббзна, на д̇ад̇о ан̃н̃ам̣ ган̃жи ад̇т̇ам̣ абзгкид̇ваа’’д̇и ликид̇ам̣. ‘‘ад̇т̇ад̇о хи саа б̣ахид̣̇д̇хааби аб̣ад̣̇д̇хаа зва ход̇ий’’д̇и вуд̇д̇ам̣. анд̇араг̇аамз б̣ад̣̇д̇хаа самаанасам̣ваасасиймаа яасмаа г̇аамасан̇кяам̣ на г̇ажчад̇и, д̇асмаад̇и згз. соби сиймаасан̇кяамзва г̇ажчад̇ийд̇и авиббаваасасиймаасан̇кяам̣ г̇ажчад̇ийд̇и ад̇т̇о. ид̣̇ам̣ банзд̇т̇а вижаарзд̇аб̣б̣ам̣ – г̇аамам̣ анд̇огад̇ваа б̣ад̣̇д̇хааяа сиймааяа буна авиббаваасасаммуд̇ияам̣ аран̃н̃абад̣̇зсз тад̇ваа авиббаваасагаммаваажаа гаад̇аб̣б̣аа, уд̣̇ааху г̇аамз тад̇ваад̇и? г̇аамз тад̇ваа гад̇ааяаби габбияабхуумияаа парад̇ийд̇и. б̣ахисиймз тид̇асаммад̇ад̣̇осаануломад̇д̇аа агаббияабхуумияам̣ тад̇ваа на гаад̇аб̣б̣аад̇и но д̇агго, зса наяо самуухананзбийд̇и аажарияо. кан̣д̣асиймааяам̣ тад̇ваа авиббаваасасиймаад̇иаад̣̇ийсу махаасиймаа гира ‘‘авиббаваасасиймаа’’д̇и вуд̇д̇аа.
143-4. ‘‘Manamhi vūḷho’’ti vā pāṭho. Tattha manamhi vūḷhoti manaṃ vūḷho amhīti attho. Ṭhapetvā gāmañca gāmūpacārañcāti antaragharasaṅkhātaṃ gāmañca gāmūpacārañca ṭhapetvā. Keci ‘‘parikkhittaṃ gāmaṃ sandhāya ‘gāma’nti vuttaṃ, aparikkhittaṃ sandhāya ‘gāmūpacāra’’nti vadanti, taṃ pana aṭṭhakathāya virujjhati. Tasmā nivesanaracchādayo sandhāya gāmaṃ, parikkhepārahaṭṭhānāni sandhāya ‘‘gāmūpacāra’’nti ca vuttaṃ. Ettha pana anekadhā paṭhanti. Kiṃ tena, pāḷiñca aṭṭhakathañca suṭṭhu upaparikkhitvā yathā samenti, tathā gahetabbaṃ. Bhikkhūnaṃ purimakammavācā na vaṭṭatīti gāmagāmūpacāre antokatvā samānasaṃvāsakasīmāya sammatāya upari avippavāsasīmāsammutiyaṃ yujjati. Yattha pana kevalaṃ araññaṃyeva sammataṃ, tattha kathaṃ na vaṭṭatīti. Tattha ‘‘ṭhapetvā gāmañca gāmūpacārañcā’’ti vacanaṃ na sātthakanti ce? Vuccate – evametaṃ, kintu anussāvanahānippasaṅgato taṃ vacanaṃ vattabbamevāti imināva adhippāyena ‘‘purimakammavācā na vaṭṭatī’’ti vuttaṃ siyā. Ekasmiṃ vā atthe kammavācādvayaābhāvatoti vuttaṃ. ‘‘Na hi te aññamaññassa kamme gaṇapūrakā hontī’’ti vuttattā ubhinnaṃ nānāsaṃvāsakasaṅghānampi ayameva vidhi āpajjeyyāti ce? Nāpajjati paṭiggahasannidhīnaṃ anuññātattā, omasanādipaccayā avisesato, kammapaṭippassaddhimattāpekkhatāya ca. Tassāti bhikkhunisaṅghassa. Na kammavācaṃ vaggaṃ karontīti kammaṃ na kopentīti attho. Etthāti ṭhapetvā gāmanti ettha. ‘‘Yadi bhikkhūnaṃ avippavāsasīmā gāmañca gāmūpacārañca na otarati, atha kasmā gāme sīmābandhanakāle avippavāsaṃ sammannantīti ce? Āciṇṇakappena, na tato aññaṃ kañci atthaṃ apekkhitvā’’ti likhitaṃ. ‘‘Atthato hi sā bahiddhāpi abaddhā eva hotī’’ti vuttaṃ. Antaragāme baddhā samānasaṃvāsasīmā yasmā gāmasaṅkhyaṃ na gacchati, tasmāti eke. Sopi sīmāsaṅkhyameva gacchatīti avippavāsasīmāsaṅkhyaṃ gacchatīti attho. Idaṃ panettha vicāretabbaṃ – gāmaṃ antokatvā baddhāya sīmāya puna avippavāsasammutiyaṃ araññapadese ṭhatvā avippavāsakammavācā kātabbā, udāhu gāme ṭhatvāti? Gāme ṭhatvā katāyapi kappiyabhūmiyā pharatīti. Bahisīme ṭhitasammatadosānulomattā akappiyabhūmiyaṃ ṭhatvā na kātabbāti no takko, esa nayo samūhananepīti ācariyo. Khaṇḍasīmāyaṃ ṭhatvā avippavāsasīmātiādīsu mahāsīmā kira ‘‘avippavāsasīmā’’ti vuttā.
146. ‘‘яассааяасмад̇о камад̇и зд̇иссаа сиймааяа самаанасам̣ваасааяа згуубосат̇ааяа самуг̇гхаад̇о, со д̇ун̣хассаа’’д̇и анд̇хагабод̇т̇агз, сийхал̣абод̇т̇агзсу жа гзсужи баато ад̇т̇и. гзсужи ‘‘самуг̇гхаад̇о зд̇иссаа сиймааяаа’’д̇и батамам̣ ликанд̇и, гзсужи ‘‘зд̇иссаа сиймааяа самуг̇гхаад̇о’’д̇и жа.
146. ‘‘Yassāyasmato khamati etissā sīmāya samānasaṃvāsāya ekūposathāya samugghāto, so tuṇhassā’’ti andhakapotthake, sīhaḷapotthakesu ca kesuci pāṭho atthi. Kesuci ‘‘samugghāto etissā sīmāyā’’ti paṭhamaṃ likhanti, kesuci ‘‘etissā sīmāya samugghāto’’ti ca.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
74. авиббаваасасиймаануж̇аананаа • 74. Avippavāsasīmānujānanā
75. сиймаасамууханана • 75. Sīmāsamūhanana
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / авиббаваасасиймаануж̇аананагат̇аа • Avippavāsasīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 74. авиббаваасасиймаануж̇аананагат̇аа • 74. Avippavāsasīmānujānanakathā
