| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
സേദമോചനഗാഥാ
Sedamocanagāthā
അവിപ്പവാസപഞ്ഹാവണ്ണനാ
Avippavāsapañhāvaṇṇanā
൪൭൯. സേദമോചനഗാഥാസു അകപ്പിയസമ്ഭോഗോതി അനുപസമ്പന്നേഹി സദ്ധിം കാതും പടിക്ഖിത്തോ ഉപോസഥാദിസംവാസോ ഏവ വുത്തോ. പഞ്ഹാ മേസാതി ഏത്ഥ മ-കാരോ പദസന്ധികരോ. ഏസാതി ച ലിങ്ഗവിപല്ലാസവസേന വുത്തം, പഞ്ഹോ ഏസോതി അത്ഥോ. പഞ്ഹ-സദ്ദോ വാ ദ്വിലിങ്ഗോ ദട്ഠബ്ബോ. തേനാഹ ‘‘ഏസാ പഞ്ഹാ’’തിആദി.
479. Sedamocanagāthāsu akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto. Pañhā mesāti ettha ma-kāro padasandhikaro. Esāti ca liṅgavipallāsavasena vuttaṃ, pañho esoti attho. Pañha-saddo vā dviliṅgo daṭṭhabbo. Tenāha ‘‘esā pañhā’’tiādi.
ഗരുഭണ്ഡം സന്ധായാതി ഗരുഭണ്ഡേന ഗരുഭണ്ഡപരിവത്തനം സന്ധായ. ദസാതി ദസ അവന്ദിയപുഗ്ഗലേ. ഏകാദസേതി അഭബ്ബപുഗ്ഗലേ. സിക്ഖായ അസാധാരണോതി ഖുരഭണ്ഡം ധാരേതും അനുഞ്ഞാതസിക്ഖാപദേന ഭിക്ഖൂഹി അസാധാരണസിക്ഖാപദോതി അത്ഥോ.
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya. Dasāti dasa avandiyapuggale. Ekādaseti abhabbapuggale. Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho.
ഉബ്ഭക്ഖകേ ന വദാമീതി അക്ഖതോ ഉദ്ധം സീസേ ഠിതമുഖമഗ്ഗേപി പാരാജികം സന്ധായ ന വദാമി. അധോനാഭിന്തി നാഭിതോ ഹേട്ഠാ ഠിതവച്ചപസ്സാവമഗ്ഗേപി വിവജ്ജിയ അഞ്ഞസ്മിം സരീരപ്പദേസേ മേഥുനധമ്മപച്ചയാ കഥം പാരാജികോ സിയാതി അത്ഥോ.
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi. Adhonābhinti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho.
ഛേജ്ജവത്ഥുന്തി പാരാജികം.
Chejjavatthunti pārājikaṃ.
അവിപ്പവാസപഞ്ഹാവണ്ണനാ നിട്ഠിതാ.
Avippavāsapañhāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi / ൧. അവിപ്പവാസപഞ്ഹാ • 1. Avippavāsapañhā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā / (൧) അവിപ്പവാസപഞ്ഹാവണ്ണനാ • (1) Avippavāsapañhāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / അവിപ്പവാസാദിപഞ്ഹവണ്ണനാ • Avippavāsādipañhavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അവിപ്പവാസപഞ്ഹാവണ്ണനാ • Avippavāsapañhāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / (൧) അവിപ്പവാസപഞ്ഹാവണ്ണനാ • (1) Avippavāsapañhāvaṇṇanā
