| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
(੨੪) ੪. ਆવਾਸਿਕવਗ੍ਗੋ
(24) 4. Āvāsikavaggo
੧. ਆવਾਸਿਕਸੁਤ੍ਤਂ
1. Āvāsikasuttaṃ
੨੩੧. ‘‘ਪਞ੍ਚਹਿ , ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਆવਾਸਿਕੋ ਭਿਕ੍ਖੁ ਅਭਾવਨੀਯੋ ਹੋਤਿ। ਕਤਮੇਹਿ ਪਞ੍ਚਹਿ? ਨ ਆਕਪ੍ਪਸਮ੍ਪਨ੍ਨੋ ਹੋਤਿ ਨ વਤ੍ਤਸਮ੍ਪਨ੍ਨੋ; ਨ ਬਹੁਸ੍ਸੁਤੋ ਹੋਤਿ ਨ ਸੁਤਧਰੋ; ਨ ਪਟਿਸਲ੍ਲੇਖਿਤਾ 1 ਹੋਤਿ ਨ ਪਟਿਸਲ੍ਲਾਨਾਰਾਮੋ; ਨ ਕਲ੍ਯਾਣવਾਚੋ ਹੋਤਿ ਨ ਕਲ੍ਯਾਣવਾਕ੍ਕਰਣੋ; ਦੁਪ੍ਪਞ੍ਞੋ ਹੋਤਿ ਜਲ਼ੋ ਏਲ਼ਮੂਗੋ। ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਆવਾਸਿਕੋ ਭਿਕ੍ਖੁ ਅਭਾવਨੀਯੋ ਹੋਤਿ।
231. ‘‘Pañcahi , bhikkhave, dhammehi samannāgato āvāsiko bhikkhu abhāvanīyo hoti. Katamehi pañcahi? Na ākappasampanno hoti na vattasampanno; na bahussuto hoti na sutadharo; na paṭisallekhitā 2 hoti na paṭisallānārāmo; na kalyāṇavāco hoti na kalyāṇavākkaraṇo; duppañño hoti jaḷo eḷamūgo. Imehi kho, bhikkhave, pañcahi dhammehi samannāgato āvāsiko bhikkhu abhāvanīyo hoti.
‘‘ਪਞ੍ਚਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਆવਾਸਿਕੋ ਭਿਕ੍ਖੁ ਭਾવਨੀਯੋ ਹੋਤਿ। ਕਤਮੇਹਿ ਪਞ੍ਚਹਿ? ਆਕਪ੍ਪਸਮ੍ਪਨ੍ਨੋ ਹੋਤਿ વਤ੍ਤਸਮ੍ਪਨ੍ਨੋ; ਬਹੁਸ੍ਸੁਤੋ ਹੋਤਿ ਸੁਤਧਰੋ; ਪਟਿਸਲ੍ਲੇਖਿਤਾ ਹੋਤਿ ਪਟਿਸਲ੍ਲਾਨਾਰਾਮੋ; ਕਲ੍ਯਾਣવਾਚੋ ਹੋਤਿ ਕਲ੍ਯਾਣવਾਕ੍ਕਰਣੋ; ਪਞ੍ਞવਾ ਹੋਤਿ ਅਜਲ਼ੋ ਅਨੇਲ਼ਮੂਗੋ। ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਆવਾਸਿਕੋ ਭਿਕ੍ਖੁ ਭਾવਨੀਯੋ ਹੋਤੀ’’ਤਿ। ਪਠਮਂ।
‘‘Pañcahi, bhikkhave, dhammehi samannāgato āvāsiko bhikkhu bhāvanīyo hoti. Katamehi pañcahi? Ākappasampanno hoti vattasampanno; bahussuto hoti sutadharo; paṭisallekhitā hoti paṭisallānārāmo; kalyāṇavāco hoti kalyāṇavākkaraṇo; paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato āvāsiko bhikkhu bhāvanīyo hotī’’ti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਆવਾਸਿਕਸੁਤ੍ਤવਣ੍ਣਨਾ • 1. Āvāsikasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਦੀਘਚਾਰਿਕਸੁਤ੍ਤਾਦਿવਣ੍ਣਨਾ • 1-10. Paṭhamadīghacārikasuttādivaṇṇanā
