| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
(౨౪) ౪. ఆవాసికవగ్గో
(24) 4. Āvāsikavaggo
౧. ఆవాసికసుత్తం
1. Āvāsikasuttaṃ
౨౩౧. ‘‘పఞ్చహి , భిక్ఖవే, ధమ్మేహి సమన్నాగతో ఆవాసికో భిక్ఖు అభావనీయో హోతి. కతమేహి పఞ్చహి? న ఆకప్పసమ్పన్నో హోతి న వత్తసమ్పన్నో; న బహుస్సుతో హోతి న సుతధరో; న పటిసల్లేఖితా 1 హోతి న పటిసల్లానారామో; న కల్యాణవాచో హోతి న కల్యాణవాక్కరణో; దుప్పఞ్ఞో హోతి జళో ఏళమూగో. ఇమేహి ఖో, భిక్ఖవే, పఞ్చహి ధమ్మేహి సమన్నాగతో ఆవాసికో భిక్ఖు అభావనీయో హోతి.
231. ‘‘Pañcahi , bhikkhave, dhammehi samannāgato āvāsiko bhikkhu abhāvanīyo hoti. Katamehi pañcahi? Na ākappasampanno hoti na vattasampanno; na bahussuto hoti na sutadharo; na paṭisallekhitā 2 hoti na paṭisallānārāmo; na kalyāṇavāco hoti na kalyāṇavākkaraṇo; duppañño hoti jaḷo eḷamūgo. Imehi kho, bhikkhave, pañcahi dhammehi samannāgato āvāsiko bhikkhu abhāvanīyo hoti.
‘‘పఞ్చహి, భిక్ఖవే, ధమ్మేహి సమన్నాగతో ఆవాసికో భిక్ఖు భావనీయో హోతి. కతమేహి పఞ్చహి? ఆకప్పసమ్పన్నో హోతి వత్తసమ్పన్నో; బహుస్సుతో హోతి సుతధరో; పటిసల్లేఖితా హోతి పటిసల్లానారామో; కల్యాణవాచో హోతి కల్యాణవాక్కరణో; పఞ్ఞవా హోతి అజళో అనేళమూగో. ఇమేహి ఖో, భిక్ఖవే, పఞ్చహి ధమ్మేహి సమన్నాగతో ఆవాసికో భిక్ఖు భావనీయో హోతీ’’తి. పఠమం.
‘‘Pañcahi, bhikkhave, dhammehi samannāgato āvāsiko bhikkhu bhāvanīyo hoti. Katamehi pañcahi? Ākappasampanno hoti vattasampanno; bahussuto hoti sutadharo; paṭisallekhitā hoti paṭisallānārāmo; kalyāṇavāco hoti kalyāṇavākkaraṇo; paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato āvāsiko bhikkhu bhāvanīyo hotī’’ti. Paṭhamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧. ఆవాసికసుత్తవణ్ణనా • 1. Āvāsikasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. పఠమదీఘచారికసుత్తాదివణ్ణనా • 1-10. Paṭhamadīghacārikasuttādivaṇṇanā
