| Library / Tipiṭaka / තිපිටක • Tipiṭaka / වජිරබුද්ධි-ටීකා • Vajirabuddhi-ṭīkā |
4. භොජනවග්ගො
4. Bhojanavaggo
1. ආවසථපිණ්ඩසික්ඛාපදවණ්ණනා
1. Āvasathapiṇḍasikkhāpadavaṇṇanā
203-4. පූගස්සාති පූගෙන. කුක්කුච්චායන්තොති නිස්සරණෙනෙත්ථ භවිතබ්බං, තං මයං න ජානාමාති සන්නිට්ඨානස්ස කරණවසෙන ‘‘කුක්කුච්චායන්තො’’ති වුච්චති. යථා හි ආයස්මා උපාලි නයග්ගාහෙන ‘‘අනාපත්ති ආවුසො සුපිනන්තෙනා’’ති (පාරා. 78) ආහ, තථා ථෙරොපි ‘‘අනාපත්ති ගිලානස්සා’’ති කස්මා න පරිච්ඡින්දතීති? අනත්තාධිකාරත්තා විනයපඤ්ඤත්තියා, ‘‘නායං අත්තනො ඔකාසො’’ති පටික්ඛිත්තත්තා, සික්ඛාපදස්ස අපරිපුණ්ණත්තා. පඨමපාරාජිකසික්ඛාපදෙ පරිපුණ්ණං කත්වා පඤ්ඤත්තෙයෙව හි සො ථෙරො ‘‘අනාපත්ති සුපිනන්තෙනා’’ති ආහ ‘‘අඤ්ඤත්ර සුපිනන්තා’’ති වුත්තපදානුසාරෙනාති. යස්මා ඔදිස්ස අයාවදත්ථෙව දායකානං පීළා නත්ථි, තස්මා ‘‘අනොදිස්ස යාවදත්ථො’’ති වුත්තං.
203-4.Pūgassāti pūgena. Kukkuccāyantoti nissaraṇenettha bhavitabbaṃ, taṃ mayaṃ na jānāmāti sanniṭṭhānassa karaṇavasena ‘‘kukkuccāyanto’’ti vuccati. Yathā hi āyasmā upāli nayaggāhena ‘‘anāpatti āvuso supinantenā’’ti (pārā. 78) āha, tathā theropi ‘‘anāpatti gilānassā’’ti kasmā na paricchindatīti? Anattādhikārattā vinayapaññattiyā, ‘‘nāyaṃ attano okāso’’ti paṭikkhittattā, sikkhāpadassa aparipuṇṇattā. Paṭhamapārājikasikkhāpade paripuṇṇaṃ katvā paññatteyeva hi so thero ‘‘anāpatti supinantenā’’ti āha ‘‘aññatra supinantā’’ti vuttapadānusārenāti. Yasmā odissa ayāvadattheva dāyakānaṃ pīḷā natthi, tasmā ‘‘anodissa yāvadattho’’ti vuttaṃ.
208. ‘‘අන්තරාමග්ගෙ එකදිවස’න්ති එකංයෙව සන්ධාය වුත්ත’’න්ති ච ‘‘එසෙව නයොති වුත්තනයමෙව දස්සෙතුං ගන්ත්වා පච්චාගච්ඡන්තො හීතිආදිමාහා’’ති ච ‘‘සුද්ධචිත්තො හුත්වා පකතිගමනෙව භුඤ්ජිතුං ලභතී’’ති ච ‘‘අගිලානස්ස ගිලානසඤ්ඤිනො කායෙන සමුට්ඨාතී’’ති ච ලිඛිතං.
208. ‘‘Antarāmagge ekadivasa’nti ekaṃyeva sandhāya vutta’’nti ca ‘‘eseva nayoti vuttanayameva dassetuṃ gantvā paccāgacchanto hītiādimāhā’’ti ca ‘‘suddhacitto hutvā pakatigamaneva bhuñjituṃ labhatī’’ti ca ‘‘agilānassa gilānasaññino kāyena samuṭṭhātī’’ti ca likhitaṃ.
ආවසථපිණ්ඩසික්ඛාපදවණ්ණනා නිට්ඨිතා.
Āvasathapiṇḍasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්ග • Mahāvibhaṅga / 4. භොජනවග්ගො • 4. Bhojanavaggo
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / මහාවිභඞ්ග-අට්ඨකථා • Mahāvibhaṅga-aṭṭhakathā / 1. ආවසථපිණ්ඩසික්ඛාපදවණ්ණනා • 1. Āvasathapiṇḍasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්ථදීපනී-ටීකා • Sāratthadīpanī-ṭīkā / 1. ආවසථපිණ්ඩසික්ඛාපදවණ්ණනා • 1. Āvasathapiṇḍasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. ආවසථපිණ්ඩසික්ඛාපදවණ්ණනා • 1. Āvasathapiṇḍasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්යාදියොජනාපාළි • Pācityādiyojanāpāḷi / 1. ආවසථපිණ්ඩසික්ඛාපද-අත්ථයොජනා • 1. Āvasathapiṇḍasikkhāpada-atthayojanā
